2 Corintios 8:4 - Biblia Mixe de Quetzaltepec

⁴ Mëk'äämpyës të xymyënu'kxta'aktë etsës nkupëktëty ja putëjkën mëti'ipë ja Tios ja jyä'äy yajtukputëkëtëpën.

Biblia Dc en Mixe de Quetzaltepec

⁴ Mëk'äämpyës të xymyënu'kxta'aktë etsës nkupëktëty ja putëjkën mëti'ipë ja Dios ja jyä'äy yajtukputëkëtëpën.

2 Corintios 8:4 ပူးပေါင်းရင်းမြစ်များ

Hechos 24:17

Koos të njëtity kanaak jëmëjt, ënät jatëkok të nwinpityës jam Jerusalén ets nyaka'anyës ja ëyoopëja'ay ja pyutëjkën, npëjkta'aka'anyës ja yoxy.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

2 Corintios 9:1

Ja näypyutëkë mëti'ipë jam myajmujktëpën mëti'ipë mmo'ojantëpën ja mëpëjkpëtëjk jampë Jerusalén yajpaatën, ka'ap y'ëkkopkpëky'ajnë ets miits ntuknijayëtëty jatëkok.

Hebreos 6:10

Jä'ä ko yë Tios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Tios ja nyaax kyajpn ijxtëm tyampaat xytyuun'ëtë'ëtstën.

1 Corintios 16:15

Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Tios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

Gálatas 2:10

Je'eyëp ko yë'ëjës ojts xytyuknipëktë etsës xëmë nja'amyätstëty ja ëyoopëja'ayëty; mëti'ipë oykyëwent'aty xëmë të nmëmay të nmëtajyënës.

1 Timoteo 5:10

Yajnija'awëp ko oy ënäty winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Corintios 16:1

Ko ja putëjkën xyajmuktëty ets yajmo'otëty ja nmëku'uk'ajtëmë, tuntë ijxtëmë të ntuk'ëwaanëtën ja mëti'ipë tsënaaytyëpën jam Galacia y'itjotm.

Romanos 15:31

Amëtowtë pëjktsowtë ja Tios etsës xy'akëëytyuk xy'axajtukëty ma ja ja'ayëtyën mëti'ipë Judea yajpatëpën mëti'ipë ka'ap tmëpëktën ja Kristë ets näjyëtu'un oy yajkupëkëty ja putëjkën mëti'ipë yajtuknikäjxtëpën ja mëpëjkpëtëjk jampë tsyëënëtën Jerusalén.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Hechos 11:29

Ënät ja mëpëjkpëtëjk tkäjpxy'ajtë ko ja myëku'uktëjk tuknikäxa'antë ja putëjkën mëti'ipë tsënaaytyëpën jam Judea; jëtu'un tyajktë winë ijxtëm pën myëtä'äkyën.

Marcos 14:7

Yë ëyoopëja'ay xëmë miits xymyëët'ata'antë, jyëkyejpy xypyutëkëtëty oyjyëna'ajëty; e ëjts ka'apës jeky xymyëët'ata'antë.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.