2 Corintios 8:2 - Biblia Mixe de Quetzaltepec

² Oy wi'ix të jyat të kyëpätë, akujk jotkujk yajpaatë; oy ja wit meeny mëj këjää të tkamëët'atë, jëtu'un ja putëjkën tyaktë ijxtëm jeexyë kyumeeny'atën.

Biblia Dc en Mixe de Quetzaltepec

² Oy wi'ix të jyat të kyëpätë, akujk jotkujk yajpaatë; oy ja wit meeny mëj këjää të tkamëët'atë, jëtu'un ja putëjkën tyaktë ijxtëm jeexyë kyumeeny'atën.

2 Corintios 8:2 ပူးပေါင်းရင်းမြစ်များ

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Deuteronomio 15:4

Jëtu'un'äämpy ka'ap ni pën y'ëyowëty ma mnaax mkajpnën, yë mWintsën yë'ë nëjkx mkënu'kxyë mëj këjää ma ja it naaxwiinyëtën mëti'ipë mo'ojanëpën.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

2 Corintios 9:13

Ko yë'ë tmëjjaw tjaantyjawëtëty ja Tios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Tios ko miits ja putëjkën xyaktë ma yë'ëjëtyën ets ma ja wiinkëtypën.

1 Tesalonicenses 1:6

Miitsëty jëtu'un ojts winë xytyuntë ijxtëm pyäätyën, ijxtëm ëëts winë të ntuntën ets ijxtëm ja Wintsën të nnajtstunën ets tëë xykyupëktë ja aaw ayuk mëët ja xoontakën mëti'ipë Kënu'kxymyëkajtën yajkën ma ënäty m'ëyow mjotëkoytyën.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

1 Tesalonicenses 2:14

Miits, mëku'uktëjkëty, ko ojts m'ëyowtë ko ja mmëkukajpn m'ixjëtijt mpajëtijtëtë, tim näjyëtu'un të mjatë ijxtëm ja Jesukristë myëpëjkpëtëjk jyajtën jam Judea; näjyëtu'un yë'ë të pyajëtijta'akëtë ja myëjutiis ja'ayëty.

2 Corintios 9:11

Tääts ni'ëmukë xymyëët'attëty ja mjë'kxy mpëkyëty ets tjëkyäpëty xymyo'otëty winë mëti'ipë tii ka'ijtëtëp. Ja näypyutëkë mëti'ipë ënäty miits mkäjxtëpën mëët ëëtsëty nëjkxëp ja nmëku'uk'ajtëmë tkukajpxëtë ja Tios.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Romanos 2:4

Mijts m'ixtijpy ja Tios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

2 Corintios 2:9

Miitsëty tëë n'ëktuk'ëwa'anëtëpë ya'atë jotmay, yë'ëjës ënäty n'ixäämpy pën mpatuuntëp ja n'aaw n'ayukës.