2 Corintios 7:1 - Biblia Mixe de Quetzaltepec

¹ Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

Biblia Dc en Mixe de Quetzaltepec

¹ Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

2 Corintios 7:1 ပူးပေါင်းရင်းမြစ်များ

1 Tesalonicenses 4:7

Ka'ap ja Tios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

Proverbios 8:13

Ko Tios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Santiago 4:8

Mëwinkontë ja Tios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Tios mtsojktëpën, nänyajwa'atsëtë.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

1 Juan 3:3

Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.

1 Tesalonicenses 5:23

Wä'än ja Tios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënäty ja poky xymyëët'atë ko ja Wintsën Jesukristë myinëty.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

1 Corintios 6:20

Jä'ä ko tëë ja Tios mkujuyëtë ko ja y'u'unk të mku'ookëtë, mmëjjaw jaantyjyawëtë ja Tios mëët ja mni'kx mkopkëty.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Tios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Tios.

Mateo 5:48

Wa'ats nnäyaj'itëtë, ijxtëm yë Tios tsajpjotmëpë wa'ats nyäyaj'ityën.

Mateo 5:8

Jotkujk yë ja'ay yajpaatë mëti'ipë wa'ats yë y'aaw jyot myëët'ajtëpën, jä'ä ko yë'ë y'ixantëp yë Tios.

Salmos 119:9

¿Wi'ix tu'uk yë yujkyeeky ëna'k oy tsuj y'ëkjuuky'atëty? Ko jyuuky'atëty ijxtëm yë m'aaw m'ayuk tnikäjpxyën.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Tios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Tios ja myëj tëytyu'unën.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Tios ojts ja y'oyjyot y'oywyinma'any kyëjääjë.

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Proverbios 30:12

Tää ja'ay mëti'ipë wa'ats näyajnajxëpën, ets ka'ap jyot wyinma'any y'oyëty.

1 Pedro 5:10

E ko ënäty të m'ëk'ëyowtë, ko wäänë ja tiempo nyaxëty, ënät ja Tios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Tios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Hebreos 12:28

Ja Tios xymyo'oja'anëm mëti'ipë ka'ap yu'kxyën, paaty ja Tios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Hebreos 12:23

Näy tëë xymyëwinkontë nimay ja Tios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Tios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Tios ojts pyëjkta'akëtë oy wa'ats,

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Tios wyintum ko ënäty myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

2 Corintios 1:20

ma yë'ë tëë tyuunta'ay jyajta'ayë mëti'ipë ja Tios wyaantakën. Paaty ko ja Tios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Mateo 12:33

Pën oy ja kepy, oy tyëëm'aty; e pën ka'ap y'oyëty, ka'ap oy tyëëm'aty. Tyëëm ja kepy yajtuk'ijxkajp.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Proverbios 20:9

Ni pën tkajëkyepy y'ëna'anëty: Ëjts wa'atsës yë njot nwinma'any ets ka'apës yë nëë poky nmëëtëty.

Salmos 19:9

Yë näwyinkutsë'ëkë mëti'ipë yajmëët'ajtpën ma Wintsënën ka'ap nyätyuktëkëty mëët yë ëxëëkpë. Yë Wintsën yë y'aaw y'ayuk tëyajtën yë'ë, ets tëkokyë aak mëtëy.

2 Crónicas 19:9

Ets tuk'ënëmaay ya'atë tu'uwinwo'ow tu'uwinwijtsën: Miitsëty xëmë winë oy xytyuntëty, mëët ja tëyajtën ets oyjyot oywyinma'any ma Wintsënën.

Eclesiastés 11:10

Këtii nëkoo mon mtukëty ets këtii nëkoo mkumay mkutajëty, jëkäm xypyëjkta'akëty yë ëyo'on jotmay, jä'ä ko yë'ëpaat ko n'ëna'k'ajtmëty natëkë winma'any näjyëtu'un.

Hebreos 6:9

Mëku'uktëjkëty, oy miits yam jëtu'un nnimëtya'aktë, nija'awëtyëpës ko miits jam myajpaatë ma ja oyajtënën, yë'ë yajtijp ko tëë ja nitsokën xypyaatë.

1 Pedro 1:15

Juuky'atë wa'ats, jä'ä ko ja Tios mëti'ipë të mëkajpxëtën wa'ats yë'ë.

1 Pedro 1:17

Pën miitsëty Tatë, xynyëëmëtë ja Tios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Levitico 13:58

Ja wit xuy mëti'ipë ënäty të yajpujyën ets të tyëkooytyä'äy ja ëxëëkpë, nëjkxëp jyaak yajpujy jatëkok ets jëtu'un wyë'ëmëty wa'ats.