2 Corintios 13:4 - Biblia Mixe de Quetzaltepec

⁴ Tëy ko jëtu'un ojts kyëruutspety ijxtëm jeexyë tkamëët'atyën ja mëk'ajtën, je'eyëp ko juuky'ajtp ja tyam mëët ja Tios Teety ja myëk'ajtën. Näyjyëtu'un ëëtsëty yë Kristë nmë'ëyoowpättës, je'eyëp ko Tios xymyëk'ajtënmooytyëpës ets njuuky'attës mëët ja Kristë ets miits nputëkëtëty.

Biblia Dc en Mixe de Quetzaltepec

⁴ Tëy ko jëtu'un ojts kyëruutspety ijxtëm jeexyë tkamëët'atyën ja mëk'ajtën, je'eyëp ko juuky'ajtp ja tyam mëët ja Dios Teety ja myëk'ajtën. Näyjyëtu'un ëëtsëty yë Kristë nmë'ëyoowpättës, je'eyëp ko Dios xymyëk'ajtënmooytyëpës ets njuuky'attës mëët ja Kristë ets miits nputëkëtëty.

2 Corintios 13:4 ပူးပေါင်းရင်းမြစ်များ

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Tios Teety ja myëj'ajtën ets nmëët'ajtmëty ja jempyë juukyajtën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

1 Corintios 15:43

Mëti'ipë të nyaaxtëkën, jä'ä mëti'ipë ka'ap yajtsokyën; e mëti'ipë juukpyëjkpën oy yajtukxoontä'äky. Mëti'ipë naaxtëjkëpën yu'unk yë'ë e mëti'ipë juukpyëjkpën ta'tspëky yë'ë.

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Romanos 14:9

Paaty ja Kristë y'o'ky ets jyuukpyijky jatëkok, jëtu'unts tniwintsën'atëty mëti'ipë juukyëtyën ets mëti'ipë ookyëtyën.

Juan 10:18

Ka'ap pën xypyëjkës ja juukyajtën, koos nyäky nkë'ëmtsojkënës jëtu'un. Nmëët'ajtypyës ja kutujkën etsës nyakëty etsës n'ëxajëty jatëkok. Jëtu'unës ja nTeety të xymyo'oy ja ënä'ämën.

Romanos 1:4

je'eyëp ko jyuukpyijky o'kpë akujky jää ojts y'awinpity Tios u'unk, mëët ja kutujkën, ets mëët ja mëk'ajtën mëti'ipë yajwatspën.

Hechos 2:36

Wä'än ja Israel ja'ay nija'awëtya'atë ko tyiyëty jyääntyëty ko ja Jesukristë, mëti'ipë miits myajkruutspäjtën, tëë ja Tios tpëjktä'äky Wintsën ets Kristë.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Tios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kutujkën myëët'ajtëpën.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

Hechos 3:16

Mëti'ipë miits m'ijxtëpën ets mnija'awëtëpën tyam, ets mëj'äämpy tyajnaxy ja Jesús, yë'ë ko yajmëpëky ja xyëëw. Ja mëpëjkën mëti'ipë yajmëët'ajtpën jam ma ja Jesús ja xyëëwën, yë'ë ja tekymya'at të yajtso'okyë, ijxtëm tyam ni'ëmukë xy'ixtën.

1 Corintios 1:25

Mëti'ipë ma Tiosën këxë'kpën tä tsuuwinma'anyën, ni'ik yë wijyajtën kejyajtën tmëëtëty këtiinëm yë naaxwiinyëtë ja'ay yë jyä'äjëty; ets mëti'ipë ja'ay tyijtëpën ko Tios wäänë mëk'ajtën tmëëtëty, yë'ë jëtu'un wäänëni'ik myëët'ajtyp ja mëk'ajtën këtiinëm ja mëk'ajtën mëti'ipë naaxwiinyëtë ja'ay myëët'ajtëpën.

1 Corintios 6:14

Jëtu'un ijxtëm ja Tios të tyajjuukpyikyën ja Wintsën, näjyëtu'un xyajjuukpyëka'anëm mëët ja myëk'ajtën.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

2 Corintios 13:9

Paaty jotkujk näjya'awëm ko ëmaay paki'ix nyajpatëmë ets miits mëk myajpaatëty; xëmës ja Tios n'amëtowa'any mpëjktsowa'antë ets wa'ats m'awinpitëty.