2 Corintios 11:3 - Biblia Mixe de Quetzaltepec

³ E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Biblia Dc en Mixe de Quetzaltepec

³ E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 11:3 ပူးပေါင်းရင်းမြစ်များ

Colosenses 2:8

Näkyëwent'atëtë këtiipë mwin'ëënëtëty mëti'ipë yaj'ijxpëjktëpën tëkatsy ets je'eyë mwin'ëënëtë; jä'ä ko yë'ëjëty ka'ap ja wyinma'any jam tpëjkta'aktë ma ja Kristën, jam ja wyinma'any tpëjkta'aktë ma ja ja'ay ja jyot wyinma'anyëtyën ets ma ja mëti'ipë mëj këjxm ijtëpën naaxwiiny.

Gálatas 1:6

Mëkës njawë ko miits pojën xy'ëxmatstë ja Tios mëti'ipë myaxtsoowëtën mëët ja Kristë ja y'oyajtën, ënätyë të xymyëpëktë wiinkpë aaw ayuk.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Colosenses 2:4

Paaty miits ya'atë ntuk'ëwaanëtë ets ka'ap pën mwin'ëënëtëty mëët ja aaw ayuk mëti'ipë oy tsuj je'eyë yajmëtoopën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Tios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Tios tmëtuntë.

1 Timoteo 2:14

Ja Adán ka'ap ojts yë'ëjëty yajwin'ëëny, to'oxytyëjk ojts yajwin'ëëny ets ojts kyuka'ajë pokyjoty.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Tios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

Génesis 3:13

Ënät yë Tios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënät yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

Génesis 3:4

Ënät ja tsa'any t'ënëmaay ja to'oxytyëjk: Ka'ap tääpë tyiyajtënëty. Ka'ap m'ooktëty.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

2 Pedro 3:17

Paaty mëku'uktëjkëty, tëë miits xy'ixtë xynyijawëtë wi'ix ya'atë y'ixëtyën, näkyëwent'atëtë këtiipë ja ëxëëk ja'ay mwin'ëën mwinxajëtëty ma ja mëpëjkën xymyëët'atën.

Gálatas 4:11

Njëjpja'awëpës ko wä'änxyëp ja ntuunkës të kya'oyë ma miitsëtyën.

2 Corintios 2:17

Ka'apës ja Tios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Tios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Pedro 3:3

Kopkpëky ko xynyijawëtëty, ma ënäty ja naaxwiinyëtë kyëxanën, jää'atantëp ja ja'ayëty mëti'ipë ja Tios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

1 Tesalonicenses 3:5

Paaty, koos ënäty ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënäty ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

Efesios 6:24

Wä'än ja Tios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Gálatas 2:4

E jam ja ja'ayëty ënäty jënaakën mëti'ipë nätyijëtëpën ko myëpëktë, jä'ä ënäty të tyëkëtë ayu'utsy ma ëëtsëtyën ets t'ixa'antë wi'ix tii yajtunyën ko nyajpatëmë ëwaatsëtum ma ja Kristë yajmëpëkyën; yë'ë tsyojktëp ets atsip ëëts npatuntëty jatëkok ja Moisés ja y'ënä'ämën.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Tios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Tios wyintum.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Tios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënäty ja Tios të twin'ixyën.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Tios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Tios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Tios ja y'oyajtën, ni'ikyënëm t'ixtijtë ja Tios ja myëj'ajtën ets ja Jesukristë ja kyutujkën.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

1 Timoteo 1:3

Ijxtëm ojts mijts nnëëmën koos nnëjkxany jam Macedonia y'itjotm, wë'ëm jam Éfeso ets xy'akajpxtukëty yë ja'ayëty këtiipë tëkatsy yaj'ijxpëktëty ets wiink ja winma'any tmëtëkëtëty,

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

2 Corintios 11:29

Ko pën pya'ampety, näjyëtu'unës näpyëjktä'äkyë ijxtëm yë'ëjëtyën; ets pën jää pën tyajpokytyuny ja myëku'uk, ëjts määpy tajpës ets äjkëpës ijty.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.

Salmos 119:53

Ëxëëkës xyajjoot'anpëktë yë ëxëëkja'aytyëjk mëti'ipë jyëjpwa'ktutëpën yë m'ijxpëjkën.

Génesis 3:1

Ja tsa'any jaakwijy jëyujk ënäty ni'ik këtiinëm ja wiinkëtypë ja jëyujk mëti'ipë ja Wintsën të tyajkojyën, paaty tyajtëëy ja to'oxytyëjk ets t'ënëmaay: Jëtu'un ja Tios të m'ënë'ëmxëtë ets ka'ap xyjyë'kxtëty ja ujts mëti'ipë jap jë'kxy kyamjotyën ¿këtiijë?

Génesis 3:20

Yë ye'etyëjk jä'ä txëëwmooy ja tyo'oxytyëjk: Eva. Jä'ä ko yë'ë ojts y'ity Taak tsi'tsk ma tu'kë'ëyë winë mëti'ipë juukyajtpën.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

Efesios 4:22

Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.

Apocalipsis 12:15

Ets ja mëj tsa'any mëj komnëë tyajpëtsëëmy y'aawjoty ets ja to'oxytyëjk tyajwinpajë'ëta'any,