2 Corintios 1:9 - Biblia Mixe de Quetzaltepec

⁹ Jëtu'unës ënäty ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Tios ntuk'ijxpätëtyës, mëti'ipë ja o'kpë yajjuukpyijkpyën.

Biblia Dc en Mixe de Quetzaltepec

⁹ Jëtu'unës ënety ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Dios ntuk'ijxpätëtyës, mëti'ipë ja o'kpë yajjuukpyijkpyën.

2 Corintios 1:9 ပူးပေါင်းရင်းမြစ်များ

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Tios yajktääpy tu'kë'ëyë winë mëti'ipë ntu'unëm nkajpxëmën.

Hebreos 11:19

Paaty ja Abraham jëtu'un tuuny ko ojts myäy tyäjy ko Tios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Job 40:14

Ënätës ëjts nijawëty ko mijts yë mkutujkën të myëtä'äky.

Lucas 18:9

Ënät ja Jesús ojts nimëtyä'äky tu'uk ja ijxpäjtën ets tuk'ëwaanëja'any ja ja'ay mëti'ipë pyäjxtëpën ja wiinkëtypë ja myëku'uk ets nyäyjyawëtë ko oy tmëtuntë ja Tios:

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Ezequiel 33:13

Ko tu'uk yë ja'ay ntukwinwanëtyës yë juukyajtën ets yë'ë y'ëna'anëty ko kopkpëky ja jyuukyajtën tmëët'ajnë ets tyuuntëkoyëty, ka'apës nëjkx yë'ë n'ixy oy ënäty oy tii më''ëka'any të tuny, nëjkxëp ja tku'ookë ja tyuuntëko'oyën.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Isaías 38:10

Tyaajës ënäty ëjts të nmay të ntajy: Maas ënäty jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën.

Romanos 8:36

Jëtu'un ijxtëm ja Tios ja y'aaw y'ayuk y'ënä'änyën: Jä'äkyëjxm ko mijts myajmëpëky, xëmë ëëts ja ja'ay xyaj'ooka'antë, jëtu'un ëëtsëty naxtë ijxtëm ja kupixyny yajmënejkxyën ma ja y'o'ktaknën.

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënäty ets jam npëtsëmtëtyës juuky.

2 Corintios 1:10

Ets ja Tios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës