2 Corintios 1:3 - Biblia Mixe de Quetzaltepec

³ Mëjjaw jaantyjawë mëpaat nyäxy ja nWintsën'ajtëm Jesukristë ja Tyeety, jä'ä ko yë'ë Tios'ajtp mëti'ipë të xypya'ëyo'owëmën ets ja Tios mëtipë xëmë xyajjotkujktakëmën.

Biblia Dc en Mixe de Quetzaltepec

³ Mëjjaw jaantyjawë mëpaat nyäxy ja nWintsën'ajtëm Jesukristë ja Tyeety, jä'ä ko yë'ë Tios'ajtp mëti'ipë të xypya'ëyo'owëmën ets ja Dios mëtipë xëmë xyajjotkujktakëmën.

2 Corintios 1:3 ပူးပေါင်းရင်းမြစ်များ

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Efesios 1:3

Mëjjaw jaantyjawë nyäxy ja Tios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Tios myëj'ajtën jyääntyajtën oypyë.

Efesios 1:17

N'amëtoopyës ja Tios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

2 Corintios 11:31

Ja Tios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Salmos 18:46

Juuky yë Tios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Tios mëti'ipës xyajkäktsokpën.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

2 Juan 1:4

Akujk jotkujkës näjyawëty koos të npaaty ma miitsëtyën mëti'ipë kyuuytyuuntëpën ja ënä'ämën tëyajtën, mëti'ipë ja Tios të tnajts'ënä'ämën.

Juan 10:30

Tios Teety ets ëjts, tu'ukyë ëëtsëty.

Génesis 14:20

Tukxoontä'äky xëmë y'itëty yë Tios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënät yë Abram ojts majk tpupëky mëti'ipë ënäty myëët'ajtypyën.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Tios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Job 1:21

Ënät y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

1 Crónicas 29:10

Ënät ja David ojts tkënu'kxy ja Wintsën ja xyëëw, ma ënäty ja mayjyä'äy jam yajpaatën ni'amukë ets y'ënäny: Mëjwiin këjää xëmë nyaxëty ja Wintsën ja myëjxëëw, ja Tios mëti'ipë y'ëwtajtën ja n'ap'ajtëmë Israel.

Salmos 68:35

Janty oytyukxootaknë yë Tios jap yajpaaty ma tsyajptëjkën; yë Tios mëti'ipë Israel Tyios'ajtypyën, yë nyaax kyajpn yë'ë myëkmoopy myëjaawmoopy. Paaty yë Tios kënu'kxy mëjjawë mëpaat y'ity.

Isaías 66:13

Tä tu'uk yë taak tyajyaxmonyën yë y'u'unk myääy, jëtu'un miitsëty ntsoka'an njawëja'antë, ets jam Jerusalén ja jotkujk'ajtën xypyaatëty.

2 Corintios 7:6

E ja Tios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

Colosenses 1:3

Xëmë ko miits nja'amyätstë nkukajpxëtëpës ja Tios, ja nWintsën'ajtëm Jesukristë ja Tyeety.