1 Samuel 9:9 - Biblia Mixe de Quetzaltepec

⁹ Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

Biblia Dc en Mixe de Quetzaltepec

⁹ Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

1 Samuel 9:9 ပူးပေါင်းရင်းမြစ်များ

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Amós 7:12

Ënät ja Amasías ojts t'ënëëmë yë Amós: Jëwa'ak yaa mijts käjpxynyajxpë. Pën mtsojkpy ets mjuuky'atëty ma nkäjpxynyajxpë'atyën, jam nëjkx Judá;

1 Crónicas 29:29

Yë nyikäjpxy nyimëtyä'äky yë David ma yajkutujkyën, wi'ix tsyo'onë'ky tsyo'ontäkyën ets wi'ix jyëjpkëjxyën, jap kuja'ay myiinta'ay ma ja nokyën mëti'ipë jyä'ä'ajtëpën yë käjpxynyajxpë Samuel, yë käjpxynyajxpë Natán ets mëti'ipë jyä'ä'ajtypyën yë käjpxynyajxpë Gad,

1 Crónicas 26:28

Tap ënäty yajpaaty näjyëtu'un mëti'ipë yajkën ja Samuel, mëti'ipë nasja'apën, mëti'ipë yajkën yë Saúl, Quis yë myaank, mëti'ipë yajkën Abner, Ner yë myaank ets mëti'ipë yajkën Joab, Sarvia myaank. Tëkokyë ya'atë pëjktä'äky mëti'ipë Wintsën të tukmëyoxtën yë'ë ojts yajtuknipëky t'ijx'it tkëwent'atëty yë Selomit ets myëkä'äxtëjk.

2 Reyes 17:13

Tëë ënäty ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

2 Samuel 24:11

Komjëpom ko ja David ojts myä'äypyëti'iky, ënät ja Wintsën t'ënëmaay ja Gad, mëti'ipë ja Wintsën winë tyuk'akäjpxypën, ko ja David tii tnijawëja'any:

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Génesis 25:22

E jä'ä ko nimäjtsk ënäty jap ja pi'k'ëna'k jyootjoty y'ëtë'ëtstë y'ëna'antë, ënät yë Rebeca ojts myäy tyäjy ets y'ënäny: ¿Pën tyaapë jëtu'un jyata'any kyëpäta'any, wi'ix ko njaakjuuky'atëtyës? Ënät ojts yë Rebeca yë Tios nyätyuk'ixyë ets ojts tmëkäjpxy ja Wintsën.

2 Crónicas 16:10

Ënät ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

2 Crónicas 16:7

Jä'ä xëëw jä'ä jëmëjt ojts ja Wintsën ja kyäjpxynyajxpë Hananí nyijkxy ma ja Asá yajpaatyën ets t'ënëëmëja'any: Yë Siria ja'ayëty yë tsyiptuunpëtëjk tëë ja m'ëxmatsyë, jä'ä ko mijts yë'ë të xytyuk'ijxpety ets ka'ap yë'ëjëty yë mWintsën ja myëk'ajtën të xymyëmay të xymyëtajy.

1 Crónicas 9:22

Ja ja'ayëty mëti'ipë ojts yajtuknipëktën ja tëjk'aaw këwent'ajtk jä'ä nyiwinë'ajtë mäjtsk mëko'px ja majkmäjtsk, mëti'ipë yajjaaypyäjtën, maajaty tsyënaaytyën. David ets Samuel yë'ë ojts ya'atë tuunk tyuknipëkëtë, jä'ä ko yë'ë ojts yajtukmëwin'ixëtë tyatu'u ye'eytyëty.

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

1 Samuel 9:10

Oy nja'amëty. Jëtu'un y'ënäny yë Saúl. Ënät ojts nimäjtsk nyëjkxtë ma jam tsyëënën ja Tios mëtuunpë mëti'ipë y'akäjpxypën winë mëti'ipë Tios tyunäämpyën,

1 Crónicas 21:9

Tä ja Wintsën t'ënëmaay ja Gad, mëti'ipë wiinkajpxpën ma Wintsënën, jampë tyunyën ma David yajkutukyën.

Jueces 18:5

Ënät y'ënantë: Ëk mëkajpx ja Tios ets yajnijawëty pën oy wyimpëtsëma'any jyëjpëtsëma'any ëëts ja në'ë ntu'ujëty.

1 Corintios 12:17

Ko jeexyë yë ni'kx kopk aak wiin, ka'ap jeexyë nmëto'owëmë; ets ko jeexyë ja ni'kx kopk aak tatsk, ka'ap jeexyë tii nxuuk'ajtëmë.