1 Samuel 9:5 - Biblia Mixe de Quetzaltepec

⁵ Ko jam jyä'äjty ma ja itjot txëëwatyën Zuf, ënät ja Saúl t'ënëmaay ja tyuunpë mëti'ipë ënäty jämyëët'ajtëpën: Tsojk nwinpijtëmë, jä'ä ko nteetyës maaynyëp tajnëp ënät jamnë mëët ëëtsajtëmë ko ka'ap n'ëkja'ajtënë, këtiinëm ja krukts pën yajpatp kayajpatp.

Biblia Dc en Mixe de Quetzaltepec

⁵ Ko jam jyä'äjty ma ja itjot txëëwatyën Zuf, ënät ja Saúl t'ënëmaay ja tyuunpë mëti'ipë ënety jämyëët'ajtëpën: Tsojk nwinpijtëmë, jä'ä ko nteetyës maaynyëp tajnëp ënät jamnë mëët ëëtsajtëmë ko ka'ap n'ëkja'ajtënë, këtiinëm ja krukts pën yajpatp kayajpatp.

1 Samuel 9:5 ပူးပေါင်းရင်းမြစ်များ

Mateo 6:25

Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Mateo 6:28

¿Wi'ix ko xymyëmay xymyëtajtë ja wit? Ëk'ixtë ja pëjy wi'ix yontë aayjoty ujtsjoty; ka'ap tyuntë, ka'ap pyiitë.

Mateo 6:34

Ka'ap xymyëmay xymyëtajtëty pën tii jëpom wëxtëjkm miimp wiinkoonp, jä'ä ko winjëpom miits xymyëët'atë mëti'ipë mmëmay mmëtajtëpën. Tu'uktu'uk xëëw nyäxy aak myëët'ajtyp ja mëti'ipë yajmääpy yajtajpën.

Lucas 12:11

Ko pën myajnëjkxëtëty ma ja tsajptëjkën, ma ja kutuunktëjkëtyën ets ma ja tëytyuunpëtëjkëtyën, ka'ap xymyëmay xymyëtajtëty wi'ix m'ëtsowtëtyën ëkë pën tii mkajpxtëp;

Lucas 12:22

Tääts ja Jesús t'ënëmaay ja y'ijxpëjkpëtëjk: Jä'äkyëjxmës jëtu'un n'ëna'any këtiipë xymyëmay xymyëtajtëty tii mtukjuuky'atëp, tii mkaytyëp m'uuktëp ets tii mwit'at mxox'atëp.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 10:2

Tyam ko ënät yaa näy'ëxmajtsëmëty, jam xypyata'any nimäjtsk yë ja'ay ma nyaax kyajpnën yë Raquel, jam ma txëëw'atyën Selsah mëti'ipë yë Benjamín nyitënääpyën. Yë'ë mtuk'ëwaanëjanëtëp ko ja mjëyujk tëë ja yajpaaty mëti'ipë ënäty m'ixtääpyën ets ja mteety ka'ap ja t'ëkmëmaay t'ëkmëtajnë, mijts ja tyam je'eyë mëmaay mëtajënëp.