1 Samuel 9:26 - Biblia Mixe de Quetzaltepec

²⁶ Ko ojts kyootsënë tä ja Saúl nyäkyo'kënë. Komjëpom tä ja Samuel pyejty jap tëjkkëjxy ets tyujxy ja Saúl ets t'ënëmaay: Pëtë'ëk ets mnëjkxëty. Tääts nimäjtsk pyëtsëëmtë jap tëja'p, yë'ë Samuel mëët yë Saúl.

Biblia Dc en Mixe de Quetzaltepec

²⁶ Ko ojts kyootsënë tä ja Saúl nyäkyo'kënë. Komjëpom tä ja Samuel pyejty jap tëjkkëjxy ets tyujxy ja Saúl ets t'ënëmaay: Pëtë'ëk ets mnëjkxëty. Tääts nimäjtsk pyëtsëëmtë jap tëja'p, yë'ë Samuel mëët yë Saúl.

1 Samuel 9:26 ပူးပေါင်းရင်းမြစ်များ

Jueces 19:28

Ënät y'ënëmaay: Pëtë'ëk ets ja'amënë. E ja to'oxytyëjk ka'ap ojts y'ëk'ëtsoowënë, jä'ä ko ooky ënätynyë. Të twijtsë'ky ja o'kpë ets jam jyëyujkëjxm tkëxwë'ëny ets jëtu'un ojts tmënëjkxy ma ja tyëjkën.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

Génesis 44:4

Ka'anëm ënäty nëkoo tmëjëkämkä'äktë ja kajpn, ko ja José ja pyutu'unëpë t'ënëëmë: Panëjkx ets papo'o tääpë ja'ayëty pe'tym, ko xynyajtspaatëty, tää xy'ënëëmëty: ¿Wi'ix ko miitsëty ëxëëk të xytyuunwinpitë ja oyjyot oywyinma'any? Wi'ix ko të xy'ëkmä'tstëpë ja a'ukën mëti'ipë poop pujxn mëët y'oytyunyëtyën.

Génesis 19:14

Ënät ojts ja Lot tninëjkxy ja nimäjtskpë ja myë't, yë'ë mëti'ipë ënäty pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

1 Samuel 9:25

E kom jam tsyo'onëtë ma ja tsajptëjkën ets nyëjkxnëtë ma ja kajpnën, jap ojts tyaj'oyëtë ja Saúl ja myaatakn tëjk'ëjxy.

1 Samuel 9:27

E ko jam kajpnpë'am jyajtë, tä ja Samuel t'ënëmaay ja Saúl: Ënëëmë yë mtuunpë wä'än tjaamë'ëky ets mijts ëwxitmës wäänë, jä'ä ko ayuk yam tu'uk nmo'ojäämpy mëti'ipës yë Wintsën të xytyuk'ëwaanën.