1 Samuel 7:5 - Biblia Mixe de Quetzaltepec

⁵ Ets ja Samuel ni'ënä'ämëy ets ja ja'ay ye'eymyuktëty jam Mispá, jëtu'un y'ënäny: tyamës yë Wintsën nmënu'kxta'akëty ets npa'ëyow mnajts'ëyowëtëty.

Biblia Dc en Mixe de Quetzaltepec

⁵ Ets ja Samuel ni'ënä'ämëy ets ja ja'ay ye'eymyuktëty jam Mispá, jëtu'un y'ënäny: tyamës yë Wintsën nmënu'kxta'akëty ets npa'ëyow mnajts'ëyowëtëty.

1 Samuel 7:5 ပူးပေါင်းရင်းမြစ်များ

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 31:49

Mispá ojts näjyëtu'un yajtijy, jä'ä ko ja Labán y'ënäny: Tios xy'ijxijt xykyëwent'ajtmëp ëëtsajtëm nimäjtsk. Oy jëna'a nka'ëknäy'ijx nka'ëknäypyatënëty.

2 Reyes 25:23

E ko ja tsiptuunpë wintsënëty ets ja jyä'äyëty tnija'awëtyë, mëti'ipë jam kukajpnajtëpën Judá, ënät ojts nyëjkxtë jam Mizpá ets myëtya'aka'antë mëët ja Guedalías. Ja ja'ayëty mëti'ipë ojts jam nyëjkxtën, jä'ä xyëëwajtëp: Ismael, yë myaank yë Netanías; yë Johanán, yë myaank yë Caréah; Seraías, yë myaank yë Tanhumet, mëti'ipë jam kukajpn'ajtpën Netofá ets ja Jaazanías, yë myaank tu'uk yë ja'ay mëti'ipë jam tso'onpën Maacá. Mëët ja jyä'äy ojts nyëjkxtë.

Nehemías 9:1

Kom i'px majktaxk xëëw, jä'ä po'o tyu'ukmujktaaytyë ja Israel ja'ayëty ets y'ayuu'ata'antë; jä'ä ijty tëëyëp ja'ay tuntë wa'ats ja wyääy kyopk tyaj'ujtsta'atë mëët ja naaxway ets nyätyukxojxta'ajëtë ja wit tujkxy nikëëts ixkëëts,

Jeremias 40:6

Ënät ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënäty të wyë'ëmtën.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kutujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Joel 2:16

yajmuktë yë Wintsën yë nyaax kyajpn ets yajwa'atstë yë mjuukyajtënëty; winwoowmuktë yë mëjja'aytyëjk, yë pi'k ëna'ktëjkëty ets mëxu'unktëjkëty mëti'ipë tsi'tspnëmën. Yë'ëpaat yë mëti'ipë naanpëkëtyën wä'än jap tpëtsëmtë ma tyëjkëtyën ma jap mya'atë pyo'kxtën.

Josue 15:38

Dilean, Mizpá, Jocteel,

Josue 18:26

Mispá, Quefirá, Mosá,

Jueces 10:17

Nëjkxëp tëkok ja xëëw jëmëjt tpaaty ets ja Amón ja'ayëty jam nyäpyëjktakëtë Galaad ets ja Israel ja'ayëty ojts näjyëtu'un nyäpyëjkta'akëtë jam Mizpá.

Jueces 20:1

Ënät ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

1 Samuel 10:17

Kom ok Samuel tmëkajpxmujktaay ja Israel ja'ayëty ets jam tyu'ukmuktëty Mizpá ma t'ëwtata'antën ja Wintsën.

1 Samuel 12:17

E tyam miitsëty wa'ats xy'ixtë xynyijawëtë ko ka'ap tyu'uy pyojy ma jeexyë ja tsajpmok yajni'ipyën ¿Këtiijë?. E tyamtsës yë Wintsën nmëkajpxa'any ets nmëpëjktsowa'anyës wä'än tyajtu'uy ets jëtu'un xynyijawëtëty ets xyjyä'äkyukëtëty, ko mëti'ipë të xytyuntën yë Wintsën ka'ap yë'ë të t'oyjyawë ko miitsëty xy'amëtoopëtë tu'uk yë yajkutujkpë.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.

1 Samuel 7:16

Winjëmëjt ijty nyijkxy jam Betel, Guilgal ets Mizpá, tääts ja amay jotmay tnipaye'ey mëti'ipë ja Israel ja'ayëty myëët'ajtëpën.

1 Samuel 7:4

Ënät ja Israel ja'ayëty tjantyjyu'taaytyë ja Baal ets ja Astarté ja y'awinaxëty ets je'eyë t'ëwtajtë tu'ukyë ja wyintsën Tiosëty.

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,