1 Samuel 6:9 - Biblia Mixe de Quetzaltepec

⁹ Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Tios ënäty o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënäty jëtu'un të tyimmiimpë.

Biblia Dc en Mixe de Quetzaltepec

⁹ Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Dios ënety o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënety jëtu'un të tyimmiimpë.

1 Samuel 6:9 ပူးပေါင်းရင်းမြစ်များ

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënäty nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

1 Reyes 4:9

Yë Ben-Decar, jam t'atënaay Macás, Saalbim, Bet-semes, Elón ets Bet-hanán;

2 Crónicas 25:21

Ënät ja Joás ojts nyänyipëjktaakëty ets twinkuwa'akëja'any ja Amasías, jam Bet-semes, ma Judá y'itjotmën.

Éxodo 8:15

E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënäty ja Tios të t'akäjpxyën.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënäty t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Lucas 10:31

Ënät jam nyäjxy tu'uk ja teety, oy tja'ixy, je'eyë ojts tnaye'ey ets nyäjxy.

Josue 15:10

Jamts tsyoony Baalá ets nyijkx jamtsow anajnytsyow, jyä'ty jam ma Seir kopkjotmën ets nyäxy Quesalón, jam pë'am anëkëjxmtsow ma ja Jearim kopkën ets jam kyujënake'eky Bet-semes, nyäxy Dimná,

Josue 21:16

Aín, Jutá ets ja Bet-semes. Ya'atë taxtujkpë ja kajpn ëpëky ënäty tmëëtëty ja nyinaax nyikam ma tjëkyepyën tyänëtëty ja jëyujk tsajpkaa.

1 Samuel 6:10

Ja ja'ayëty jëtu'un ojts tuntë, ojts nimäjtsk ja tsajpkaato'oxy t'ixta'atë ets tyajku'ëtujktë ja y'u'unkëty jam ma ja tsyënaaytyaknën, tä ja tsajpkaato'oxy tukmëtsu'umëtyë ja kepy wintëkäämpë.

1 Samuel 6:12

Ko ja tsajpkaato'oxy yajtu'ujëjpwojpëtyë jamtsow ojts nyëjkxtë Bet-semes, muup ojts nyëjkxtë ets tu'ukyë ja tu'u tpëjktë nimaa kyakuye'eyëtë. Yë filistejë ja'ayëty ojts tpatsoontë ja kepy wintëkäämpë, ix'am je'eyë tpaye'eytyë, jampaat tpaja'ajtë ma ja Bet-semes ja tsyëpa'an nyaxtën.

1 Samuel 6:3

Tä y'ëtsoowtë: Pën myajwinpitantëp jatëkok ja Tios ja kyaaxë mëti'ipë yë Israel ja'ayëty y'ëwtajtën, këtii jëtu'unyë xymyënëjkxtëty. Kwanë ko miitsëty winë xymyo'otëty yë Wintsën mëti'ipë mtukyajjotxäämtëpën. Jëtu'un'äämpy miitsëty mtso'oktëty ets xyjyä'äkyukëtëty wi'ixykyëjxm ko mtëytyunëtë.