1 Samuel 6:5 - Biblia Mixe de Quetzaltepec

⁵ Paaty, yajnikojtu'utë yë ki'ix pa'am ets tsuk mëti'ipë këtye'eytyëpën ma naax kajpnën ets mëjpëjkta'aktë yë Tios mëti'ipë y'ëwtajtëpën yë Israel ja'ayëty; jëtu'un n'ëk'ijxmëty kooxyëp näyajjëwa'akëty yë ëyo'on jotmay ma miitsëtyën, ma tiosëtyën ets ma naax kamën.

Biblia Dc en Mixe de Quetzaltepec

⁵ Paaty, yajnikojtu'utë yë ki'ix pa'am ets tsuk mëti'ipë këtye'eytyëpën ma naax kajpnën ets mëjpëjkta'aktë yë Dios mëti'ipë y'ëwtajtëpën yë Israel ja'ayëty; jëtu'un n'ëk'ijxmëty kooxyëp näyajjëwa'akëty yë ëyo'on jotmay ma miitsëtyën, ma tiosëtyën ets ma naax kamën.

1 Samuel 6:5 ပူးပေါင်းရင်းမြစ်များ

1 Crónicas 16:28

Kukajpxëtë ja'awëkyëta'aktë yë Wintsën, miitsëty ninu'un mtu'kjëën'at mtu'ktëjk'atën wiik naax wiink kajpn, mo'otë Wintsën ja kutujkën ets ja mëj'ajt oyajtën;

1 Crónicas 16:29

mo'otë ja Wintsën ja mëjja'awën jaanty ja'awën mëti'ipë yë'ë patëpën; mëët ja yojxën, wa'këxë'ëktë ma yë'ëjën; ëwtatë ja Wintsën ma tsyajptëjkën oypyë tsujpë.

Salmos 18:44

Je'eyës tu'k aaw nkäjpxy täätsës xymyëmëtowtë; jëkämpaat muum yë ja'ay të tsyoontë mëti'ipës të xymyëmëtowtën.

Salmos 32:4

jä'ä ko xëëny koots ja mkë'ë je'emtypë xytyuknipëtë'ëkyës. Jëtu'un tä yë pëjy xyootyën xëkopkjoty, jëtu'unës yë njuukyajtën njawë y'amutsktëjkënë.

Salmos 39:10

Këtiis nëkoo ëxëëk xytyuny xy'ënëëmë; ëjts janty yun janty këtawës näjyawëty koos xywyopy xykyä'ätsy.

Salmos 66:3

Jëtu'un yë Tios ënëëmëtë: Tios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Éxodo 8:17

Jëtu'un ojts tjantytyuntë, yë Aarón ojts tnajtstijë yë tyajk ets ojts twojpyu'kx ja naaxway ets y'awinpijtaay tsukts, ma tëkokyë yë Egiptë kajpnën, ya'atë maytyukts ojts myintë jä'ä mëti'ipë ëxëëk tsu'tstëpën ets mëti'ipë mëk nä'ämtëpën ma ja ja'ayëtyën ets ma ja jëyujkëtyën.

Éxodo 8:24

Jëtu'un ojts ja Tios tjantyyajtuny tjantyyajjatyë. Tä myäymyiintë ja aktsa'ak yootsën nëma'ajën ets tyajtuktujktaaytyë ja mëj'ënä'ämpë ja kyutujktakn, näjyëtu'un ja jyëën tyëjkëty ja wintsëntëjkëty mëti'ipë ënäty mëët tyuntën ets tëkokyë jëtu'un yë Egiptë kajpn tukwa'këtyääytyë. Ya'atë may aktsa'ak mëj këjää y'ëyo'onpëjktäky jap Egiptë.

Éxodo 8:5

Ënät ja Tios t'ënëmaay ja Moisés: Ënëëmë yë Aarón wä'än tnajtstijë yë tyajk ma mëjnëëjën, ma nëëwokën ets ma nëë'akëyën, japts myäypyëtsëmtëty yë nooty ets tyaj'utstëty yë Egiptë kajpn.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 42:12

Wä'än ja Wintsën ja myëj'ajt y'oyajtën tnikajpx tnimëtyakëtë ets wä'än tukyaax tukjokëtë ma ja naax kajpnën mejypyë'aaypyë yajpaatën ets Wintsën yajmëjpëjkta'akëty.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Jeremias 3:13

Yi'iyë mkupëkëp ko tëë mpokytyuny, ko yë mWintsën Tios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Jonás 3:9

wä'änxyëp yë Tios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Números 33:4

ma ënäty jam ja kyä'äxkopktëjkëty tyajnaaxtëkëtë mëti'ipë nimay të y'ooktën ko ja Wintsën yaj'o'këtë, mëët ko ënäty ja tios Egiptëpë të tpanëjkxtëkëtë.

Juan 9:24

Ojts ja jutiis ja'ayëty jatëkok twowtë ja mëti'ipë ënäty wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Josue 7:19

Ënät ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Tios ja tsajpjotmëpë.

Apocalipsis 14:7

Ets mëk y'ënäny: Winkutsë'ëkëtë ja Tios ets xymyëjjaw xyjyääntyjyawëtëty, jä'ä ko tëë ja xëëw mëtyo'owën tpaaty ma tyiytyuna'anyën ets pyaye'eyä'äny. Ëwtatë pën ja naax, tsajp, nëë ets ja mejy yajkojën.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Tios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

1 Samuel 5:11

Tëë ënäty tëkokyë ja ja'ayëty tsyë'ëkëtëjkëtya'atë mëët ja mëk pa'am jampë jyëtityën mëti'ipë ja Tios të tkexyën, ënät ojts tyaxmujkta'atë ja kopktëjkëty mëti'ipë jam yajpaatën ma ja filistejë kajpnën ets t'ënëmaaytyë: Mënëjkxtë ya'atë Tios yë kyaaxë ma të xymyëtsoontën, nëjkx jam pëjkta'aktë jatëkok ma të y'ityën këtiipë n'o'ktä'ämyëty.

1 Samuel 5:9

E ko jam tyajtso'ontë, Tios mëk ojts jam ja ëyo'on tyajkëtä'äky ma ja naax kajpnën. Jä'ä ko wa'ats ja ja'ayëty ojts pya'ampäjta'atë mëët ja ki'ix pa'am ets ja pu'uts pa'am; ojts pya'ampäjta'atë mëjja'ay, mutskja'ay.

1 Samuel 6:8

Jamts xykyëxpëktëty ja Wintsën ja kyaaxë ma ja kepy wintëkäämpën ets näjyëtu'un jam pë'am xypyëjkta'aktëty kaaxëjoty ja pu'ts pujxn mëti'ipë je Wintsën ënäty mooytyëpën ets jyotxäämëty. Ets nëjkx jam tu'ujëjp'am xytyu'ujëjpwopëtë je'eyë ets xy'ëxmatstëty wä'än atu'uk tnëjkxy.