1 Samuel 6:17 - Biblia Mixe de Quetzaltepec

¹⁷ Ja mëkoxkpë ja pu'ts pujxn jëtu'unpë kyëxë'ëkyën tä ki'ixën mëti'ipë ojts ja Wintsën jä'ä yajtukë'ëtëkën ets jyotxäämëty, yë'ë ënäty kyutënaaytyëp ja kajpn mëti'ipë xyëëwajtëpën Asdod, Gaza, Ascalón, Gad ets Ecrón.

Biblia Dc en Mixe de Quetzaltepec

¹⁷ Ja mëkoxkpë ja pu'ts pujxn jëtu'unpë kyëxë'ëkyën tä ki'ixën mëti'ipë ojts ja Wintsën jä'ä yajtukë'ëtëkën ets jyotxäämëty, yë'ë ënety kyutënaaytyëp ja kajpn mëti'ipë xyëëwajtëpën Asdod, Gaza, Ascalón, Gad ets Ecrón.

1 Samuel 6:17 ပူးပေါင်းရင်းမြစ်များ

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

2 Samuel 21:22

Ya'atë nimajktaxkpë ja'aypyajkyenyëty yë'ë yë Refa y'u'unk y'ok, jampë kyukajpn'atë Gad, je'eyë ko ka'ap ojts myëta'aktë mëët yë David ets tsyiptuunpë wintsënëty.

2 Reyes 1:2

Ko yë Ocozías jam kyënajxy ma ja tyëjkwiinën ma jam yajkutukyën jam Samaria, tsëtyujtaay yajxon, ënät t'ënëmaay ja tyuunpë ets jam nëjkx tyajnitëwëtë ma ja Baal-zebub jam yajpaatyën, tu'uk yë awinax mëti'ipë jamën Ecrón, tääts nijawëtëty pën tso'okjaanp ëkë pën ookaanp,

2 Crónicas 26:6

Uzías ojts kanaak ok mëët tsyiptuny yë filistejë ja'ayëty, ojts may tjity ja potsy, mëti'ipë ja filistejë ja'ayëty ijty tyukuwantëpën ja kyajpnëty, ma ja kajpnën mëti'ipë yajtijpën Gad, Jabnia ets Asdod. Ojts tyajkojy kanaak kajpn jam ma ja itjot tnitänëtën yë filistejë ja'ayëty, ma txëëwatyën Asdod.

Jeremias 25:20

ets oypyënëty mëti'ipë jap Egiptë yajpatëpën, tu'kë'ëyë yajkutujkpëtëjk mëti'ipë jam Us ënä'ämtëpën ets tëkokyë yë filistejë ja'ayëty: yë Ascalón kajpn, Gaza kajpn, Ecrón kajpn ets mëti'ipë jam Asdod të wyë'ëmtën;

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Amós 6:2

Nëjkx ixtë yë Calné kajpn; ko jam mtsoontëty tääts mnëjkxtëty ma ja mëjpë ja Hamat kajpnën, jam mjënajkë'ëktëty ets mjëjpta'aktëty ma Gad kajpnën, ma filistejë ja'ayëty tsyëënëtën. ¿Ti ni'ik jëtää miitsëty mëj'äämpy m'itë ets ka'ap yë'ëjëty jyëtu'un'atë? ¿Ni'ik mëj'äämpy jëtää miits yë mkajpnëty këtiinëm yë'ëjëty yë kyajpnëtyë?

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.

Jueces 1:18

E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.

Jueces 14:19

Ënät ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënäty myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

Jueces 16:1

Tëkok ojts nyijkxy yë Sansón jam Gaza, jam t'ijxpaty tu'uk yë to'oxytyëjk mëti'ipë nätyo'këpën ets ojts tpanëjkxy ma ja tyëjkën ets tmëëtmaay.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

1 Samuel 5:1

Ko yë filistejë ja'ayëty tjä'äpëjktë ja Tios ja kyaaxë, ënät jam tmëtso'ontë Eben-ézer ets ojts tmënëjkxtë jam Asdod.

1 Samuel 5:10

Ko jëtu'un t'ijxtë, ënät jatëkok tmëtso'ontë ets ojts tmënëjkxtë jam Ecrón, ko jam tmëja'ajtë, ja ja'ayëty mëti'ipë jam tsënaaytyëpën ënät y'ënaantaktë: Tëë ënät tmëmintë ja Tios ja kyaaxë mëti'ipë yë Israel ja'ayëty y'ëwtajtëpën yaa ets xytyukyaj'o'kta'aja'anëmë.

1 Samuel 5:8

Paaty ojts tëkokyë twoowmujkta'atë yë mëjja'aytyëjk ets kopktëjkëty jampë yajpaatën ma filistejë kajpnën ets tyajtëëwtë: ¿Tii mëpaat ntu'unëmë mëët yë Tios yë kyaaxë mëti'ipë yë Israel ja'ayëty y'ëwtajtëpën.? Tä y'ëtsoowtë: Mënëjkxtë jam Gad. Tääts ja filistejë ja'ayëty ojts jam tyajnëjkxtë.

1 Samuel 6:4

¿E tiitsës mëpaat nmo'otë etsës ntukyajjotxäämtëty? Jëtu'un ojts tyajtëwtë. Ets ja teetytyëjkëty y'ëtsoowtë: Yë'ë m'oytyuntëp wëxtujk yë pu'ts pujxn ets xyajnikojtu'utëty yë ki'ix, tu'ukjaty këëktu'uk tkutänyëty ja filistejë ja'ay. Ja wëxtujkpë mëti'ipë nyikopk'ajtëpën ja filistejë kajpn, ëpëky näjyëtu'un xyajnikojtutëpëty mëkoxk yë tsuk, yë'ë mtuk'oytyuntëp yë pu'ts pujxn, pën mnija'awëtyëp ko yë mkopktëjkëty nän yë'ë jëtu'unpë pya'am'ajtëp.