1 Samuel 5:12 - Biblia Mixe de Quetzaltepec

¹² Ja ja'ayëty jampë kyukajpn'atën nëkooyë yaxnëtë jyojknëtë mëët ja yuu pa'am mëti'ipë myënajx yajnajxtëpën. Jä'ä ko ja mëti'ipë ënäty ka'ap y'ooktënën ujts ënäty yajpatnëtë ja nyini'kxëty mëët ja ki'ix pa'am.

Biblia Dc en Mixe de Quetzaltepec

¹² Ja ja'ayëty jampë kyukajpn'atën nëkooyë yaxnëtë jyojknëtë mëët ja yuu pa'am mëti'ipë myënajx yajnajxtëpën. Jä'ä ko ja mëti'ipë ënety ka'ap y'ooktënën ujts ënety yajpatnëtë ja nyini'kxëty mëët ja ki'ix pa'am.

1 Samuel 5:12 ပူးပေါင်းရင်းမြစ်များ

Éxodo 12:30

Ënät myä'äypyëtë'ktaaytyë ja tsu'um ja mëj'ënä'ämpë mëët ja wyintsëntëjkëty ets tëkokyë yë Egiptë ja'ayëty, tääts tyëjkëtyë jëëpyë yaxpë, mëët ko ënäty të y'ooktë ja y'u'unkëty mëti'ipë kä'äxkopkëtyën maajaty ja jëën tëjkën.

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.

Jeremias 48:3

Jam Horonaim yë'ë jam yajtukyax yajtukjojkëp: Wi'ix kyutëkoyä'änyën ja naax kajpn ets wi'ix xit ko'ow jyata'anyën.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Jeremias 14:2

Jëëpy yaxp ja Judá yajpaaty mëët ja monyëtukyë, moontëp tujktëp ja nyaaxëty kyajpnëty, xii yaa muum ja ja'ay nyää'ptä'äkyë. Mëk ja Jerusalén ja'ayëty y'ëjtë tyu'uktë.

1 Reyes 19:17

Jëtu'un'äämpy ko pën jyakä'äka'anëty ma ënäty ja Hazael yaj'ooka'anyën, yë Jehú yë'ë yaj'ookëtëp, e ko ënäty pën jyake'eky ma ja Jehú, yë Elisejë yë'ë nëjkx yaj'ookyë.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

1 Samuel 6:1

Ja Tios ja kyaaxë jä'ä ënäty jam të y'ity wëxtujk po'o ma ja filistejë ja'ayëtyën.