1 Samuel 4:21 - Biblia Mixe de Quetzaltepec

^21-22 Ets tyajxëëwpejty ja myaank Icabod, jä'ä ko tyaa y'ënäny: Yë Israel jëtu'unyë të wyi'imy mëj'ajtëntuk, jä'ä ko tëë yajpëjkëtë ja Tios ja kyaaxë. Mëët ko jëtu'un y'ënäny, jä'ä ënäty tyijpy ko ja Tios ja kyaaxë wiink ja'ay të myënëjkxyë, ko ja tyeety myë't të y'ooky ets ko ja nyiye'etyëjk ënäty näjyëtu'un të y'ooky.

Biblia Dc en Mixe de Quetzaltepec

^21-22 Ets tyajxëëwpejty ja myaank Icabod, jä'ä ko tyaa y'ënäny: Yë Israel jëtu'unyë të wyi'imy mëj'ajtëntuk, jä'ä ko tëë yajpëjkëtë ja Dios ja kyaaxë. Mëët ko jëtu'un y'ënäny, jä'ä ënety tyijpy ko ja Dios ja kyaaxë wiink ja'ay të myënëjkxyë, ko ja tyeety myë't të y'ooky ets ko ja nyiye'etyëjk ënety näjyëtu'un të y'ooky.

1 Samuel 4:21 ပူးပေါင်းရင်းမြစ်များ

Salmos 106:20

ojts tjënaxtë yë Tios, ets ojts tyajtëkatstë yë myëj'ajtën ets xyoontakën mëët tu'uk yë awinax mëti'ipë këxë'kpën tä tsajpkaajën, mëti'ipë aay ujts y'ojkypyën.

Salmos 26:8

Wintsën, ëjts yë'ëjës ntsojkën'ajtyp yë mtsajptëjk ma m'ity mtsëënën, ma ja mëj'ajt m'oyajtën yajpaatyën.

Salmos 78:61

Ojts t'ëwatsë ja nyë'ë tyu'u ja myëtsiptëjk ets yë'ë tjä'äniwa'antëty ma ënäty y'ityën ja myëj'ajt y'oyajtën.

Salmos 78:64

Ja teetytyëjkëty kupuxy näjyëtu'un y'o'ktaaytyë, ets ja kyu'ookytyo'oxyëty ka'ap ojts y'ëkniyaxënëtë.

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Lamentaciones 2:1

Mëj'äämpy yë Wintsën yë tsyip y'äkë të tyaj'ity, mëti'ipë të tyajkukootsën yë Sión kajpn oypyë ënäty yaj'ixyën. Tëë tyajma'ta'ay ja Israel kajpn oypyë tsujpë ets jëtu'un të tyajjaty tä jeexyë tsajp kyupojtsnaxyën naaxkëjxy; ko jyoot'anpëjky ka'ap tja'awëy ja tyekpya'tk.

Oseas 9:12

Oy ënäty jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënäty n'ëxmatstë.

1 Samuel 14:3

Ja ja'ay mëti'ipë teety'ajtpën jä'ä jëmëjt jä'ä txëëwaty Ahías, yë'ë myaank yë Ahitub ets tsyojkmaank yë Icabod. Yë Icabod yë'ë tyeety'äjtyp yë Finees, yë y'ok'u'unk yë Eli, ja Wintsën ja tyuunpë, jampë tyunyën Siló. Ja ja'ayëty ka'ap ojts nija'awëtë ko ja Jonatán tsyo'ony.

1 Samuel 2:34

Yë'ë nëjkx xytyuk'ixy wi'ix nimäjtsk ja maank y'ooka'antën mëti'ipë xyëëwajtëpën Finees ets Hofní ets nimäjtsk nëjkx tyim'ooktë jä'ä xëëw.

1 Samuel 3:12

Ko ënäty jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.

1 Samuel 4:11

Ojts näjyëtu'un tjä'äpëktë ja Tios ja kyaaxë ets tyaj'o'ktë näjyëtu'un ja Ofní ets Finees mëti'ipë myaank'ajtypyën ja Eli.