1 Samuel 4:2 - Biblia Mixe de Quetzaltepec

² Jam ja filistejë ja'ayëty tnitsoontë ja Israel ja'ayëty ets mëët tyëjkëtyë tsiptuunpë. Yë filistejë ja'ayëty yë'ë ojts myëta'aktë, jä'ä y'o'ktë yë Israel ja'ayëty nimajktaxk mil jam tsipjotm.

Biblia Dc en Mixe de Quetzaltepec

² Jam ja filistejë ja'ayëty tnitsoontë ja Israel ja'ayëty ets mëët tyëjkëtyë tsiptuunpë. Yë filistejë ja'ayëty yë'ë ojts myëta'aktë, jä'ä y'o'ktë yë Israel ja'ayëty nimajktaxk mil jam tsipjotm.

1 Samuel 4:2 ပူးပေါင်းရင်းမြစ်များ

Lamentaciones 3:40

Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

1 Samuel 17:21

Tä yë Israel ja'ayëty ets näjyëtu'un yë filistejë ja'ayëty poj'am nyäwya'ptaayëtë ets mäjtskpëky nyäwyinkuwa'këtyë.

1 Samuel 17:8

Tä ja Goliat wya'akwë'ëmëy ets t'ënëmaay ja tsiptuunpëtëjk mëti'ipë Israel ja'ayëtyën: ¿Wi'ix ko miitsëty janty wääpy mtimmyiinëtë ets mtsiptuna'antë? ¿ëkë jä'ä koos nfilisteëja'ay'atë, miitsëty yë Saúl mëtuuntëpë? tyam n'ënëëmëtë ets xywyin'ixtëty tu'uk yë ja'ay wä'änës mëët n'ëktsiptuny.

Josue 7:12

Paaty ka'ap ninu'un tjëkyepy tsyiptuntëty mëët ja myëtsipëty. Jëtu'unyë nëjkx kyäkta'atë jä'ä ko nitëjkëyëtëp y'o'kta'atëty yë Israel ja'ayëty. Pën miitsëty ka'ap xyajkutëkoytyë mëti'ipës të nikäjpxyën xyajkutëkoytyëty, ëjts ka'apës n'ëkyajpaatanë ma miitsëtyën

1 Samuel 4:1

Ok ja Samuel tuknija'awëy ja naax kajpn tä ënäty ja Wintsën të y'ënë'ëmxëtën. Jä'ä xëëw jä'ä jëmëjt ojts yë filistejë ja'ayëty tuknipëjktaakëtë ets tsyiptuna'antë mëët yë Israel ja'ayëty. Yë Israel ja'ayëty ojts näjyëtu'un tniwinmayëtë ja tsip, paaty ojts jam nyëjkxtë ma tu'uk yë it naaxwiinyëtë txëëwatyën Eben-ézer, tyam ja filistejë ja'ayëty jam ënäty të jyajta'aktë ma txëëwatyën Afec.

1 Samuel 4:3

Ko yë Israel ja'ayëty jam wyimpijtë ma jyajta'aktën, ënät ja mëjja'aytyëjk y'ënantë: ¿Tii ko yë Wintsën të t'ëwa'atsy ets tyam o'ktëy njajtmëty ma filistejë ja'ayëtyën? Ja'amtë nyajtso'onëmë yë kaaxë jam Siló mëti'ipë ja käjpxytyu'unën myë'ijtypyën mëti'ipë ja Wintsën jyä'ä'ajtypyën. Yë'ë itkujky nyajnëjkxmëp ets xykyuwa'anmëty ma ja nmëtsip'ajtëmën.

1 Samuel 4:10

Ënät ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënäty y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.

Levitico 26:37

Kë'ëm nëjkx muum nyäwyinkuja'atëtë, tä jeexyë mkä'äktën tsipjotm, oy pën mkapapo'ojëtëty. Ma miitsëtyën ni pën ja myëtsip tkawinkuwa'akëja'anëty.

Números 14:45

Ënät ja Amalec ja'ayëty ets ja Canaán ja'ayëty nyipëtsëëmëtë, mëti'ipë ënäty jam tsënaaytyëpën ma jampë ja itjotmën. Ets pyapooyëtë tyimpaja'ajtëtë jam ma Hormá y'itjotën, jëtu'un'äämpy ka'ap yajmëtakëtë.