1 Samuel 4:18 - Biblia Mixe de Quetzaltepec

¹⁸ Tim je'eyë ojts tnikäjpxy ja ja'ay ja Tios ja kyaaxë, jëtu'unyë yë Eli tsyajpënë'ka'tsy jam tëjkwinm, e komë tëë ënäty myëjja'ayënë ets je'emty yajxon. Jëtu'unyë ojts ja jyëwiits tyimtëjtuky ets y'o'ky. Jä'ä ënät të tyuny teety jam ma Israel kajpnën wëxtyikxy jëmëjt.

Biblia Dc en Mixe de Quetzaltepec

¹⁸ Tim je'eyë ojts tnikäjpxy ja ja'ay ja Dios ja kyaaxë, jëtu'unyë yë Eli tsyajpënë'ka'tsy jam tëjkwinm, e komë tëë ënety myëjja'ayënë ets je'emty yajxon. Jëtu'unyë ojts ja jyëwiits tyimtëjtuky ets y'o'ky. Jä'ä ënät të tyuny teety jam ma Israel kajpnën wëxtyikxy jëmëjt.

1 Samuel 4:18 ပူးပေါင်းရင်းမြစ်များ

Salmos 26:8

Wintsën, ëjts yë'ëjës ntsojkën'ajtyp yë mtsajptëjk ma m'ity mtsëënën, ma ja mëj'ajt m'oyajtën yajpaatyën.

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 69:9

Mëët yë'ë koos niku'ëwa'an'aty yë mtsajptëjk, wiinkës nnäjyawëty ko pën ëxëëkjaty tnikäjpxy tnimëtyä'äky, janty ëjtsës ntimjya'ap xytyimpatp ko pën ëxaty y'ënä'äny.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

Jueces 15:20

Sansón jä'ä ojts y'ëne'emy ets tnitsiptuuny yë Israel kajpn i'px jëmëjt, jää xëëw ma ënäty yë Israel ja'ayëty y'ënä'ämtën jam ma ja jampë it naaxwiinyëtën.

1 Samuel 4:13

Ko jam jyä'äjty, yë Eli jam ënäty y'u'unyë tsajptëjk ëkë'ëm ma tu'uk yë mëj sillën, yë kyëwen'ajtyp ja në'ë tu'u, jä'ä ko janty määpy janty tajp ënäty mëëtpë ja Tios ja kyaaxë. Ko tääpë ja tsiptuunpë tuk'ëwa'anëy ja naax kajpn mëti'ipë ënäty të tyuny të jyätyën, ënät ja ja'ayëty ojts tyëkëtë yaxpë jojkpë jampë tsyëënëtën.

1 Samuel 4:17

Tääts ja ja'ay y'ënëmaayë: Tëë ja Israel ja'ayëty kyäkta'atë ets janty may yë ja'ay të y'ëk'o'knëtë, tëë y'ooktë nimäjtsk ja mmaank Hofní ets Finees, ets näy tëë ja filistejë ja'ayëty tmënëjkxtë ja Tios ja kyaaxë.

1 Samuel 4:19

Ja xyä'kxy mëti'ipë yë Finees tyo'oxytyëjk'ajtypyën, u'unk mëët ënäty yajpaaty, ko tmëtoowpaty tëë ja Tios ja kyaaxë yajmënëjkxy ets ko tëë ja tyeety myë't y'ooky ets ja nyiye'etyëjk, ënät ja jyotmay ni'ikyë myëjtäky ets ja pëjkën ato'onën tmënajxy tyajnajxy koonëm ja y'u'unk naaxwiiny jyä'äjty.