1 Samuel 4:10 - Biblia Mixe de Quetzaltepec

¹⁰ Ënät ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënäty y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.

Biblia Dc en Mixe de Quetzaltepec

¹⁰ Ënet ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënety y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.

1 Samuel 4:10 ပူးပေါင်းရင်းမြစ်များ

2 Reyes 14:12

Ja Judá ka'ap yajmëtakë ja Israel, ënät kyäktaaytyë ja ja'ayëty ets nyëjkxtaaytyë ma tyëjkëtyën.

1 Samuel 4:2

Jam ja filistejë ja'ayëty tnitsoontë ja Israel ja'ayëty ets mëët tyëjkëtyë tsiptuunpë. Yë filistejë ja'ayëty yë'ë ojts myëta'aktë, jä'ä y'o'ktë yë Israel ja'ayëty nimajktaxk mil jam tsipjotm.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënäty ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

2 Samuel 18:17

Tä ja Absalón ja nyini'kx ojts jap jutjoty t'ajëpipëtë mëti'ipë ënäty jam yuukjotmën, jamts tu'uk ja mëjtsaawääpy tyajpëtë'ktë, ja Israel ja'ayëty ojts ja kyäkta'atë, jam nyëjkxtaaytyë ma tyëjkëtyën.

Salmos 78:9

Yë Efraín yë nyaax kyajpn ojts kyäkta'atë jam tsipjotm mëët ja mëktsë'ëkë, oy ënäty yajpaatë jëjp'ixy mëët ja ti'pxn ets ja ku'umën.

2 Crónicas 25:22

Ko tyëjkëtyë tsiptuunpë ojts ja Judá ja jyä'äy tyëkooynyë ets xim yam ojts jyaak a'äktë.

2 Crónicas 13:17

Abiam mëët yë jyä'äy may myëtsip tyaj'o'ktë, jä'ä nyiwinë'ajtë mëkoxk mëko'px mil aakyë'ë win'ixyëtypë ja tsiptuunpëtëjk Israel ja'ayëty.

1 Reyes 22:36

Tam ënäty ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënäty näjyëtu'un yajpatpë Guilgal. Ënät ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 19:8

Ënät ja yajkutujkpë ojts pyëti'iky ets ojts nyijkxy jam ma ja kajpn yajnitëkën. E ko ja mayjyä'äy yajtuk'ëwa'anëtyë ko tam ja yajkutujkpë y'ëwxity jam kajpnpë'am, ënät ojts jam nyäwya'k jam myiinta'atë. E ja Israel ja'ayëty tëë ënäty kyäkta'atë ets të nyëjkxta'atë ma tyëjkëtyën.

2 Samuel 18:7

ja Israel ja'ayëty ka'ap myëtaktë ko mëët tsyiptuuntë ja David ja jyä'äy. Yajxon ojts may y'o'knëtë, jä'ä nyiwinë'ajty ni''i'px mil mëti'ipë o'kën.

Deuteronomio 28:15

E pën ka'ap xymyëmëtoy ja mWintsën, jëtu'unyë nëkoo xynyakumëtoownaxy ja y'aaw y'ayuk ets ja y'ënä'ämën tyiyajtën, mëti'ipë yam njatuk'ëne'empyën xytyunëty, ka'ap xyjyawëty wi'ix ja ëyo'on jotmay mtukëta'akëtëty ets wi'ix ja pojkën jam kyëtakta'ajëty ma mjuukyajtënën, mëti'ipë yam yajnikajpxpën.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.

1 Samuel 3:11

Ets ja Wintsën y'ënäny: Ëjts yë'ëjës yam nikajpxäämpy mëti'ipës ntunäämpyën ma Israel kajpnën, mëk ja aaw ayuk yajmëtoy mëti'ipës nikajpxäämpyën.