1 Samuel 31:8 - Biblia Mixe de Quetzaltepec

⁸ Komjëpom ko ja filistejë ja'ayëty ojts nyëjkxtë ets twijtsmuka'antë ja y'o'kpëty, tääts tukye'eypyäjtë ja Saúl mëët nitëkëëk ja myaank, ooky jam jyëpijpnëtë tunkëjxm ma txëëwatyën Guilboa.

Biblia Dc en Mixe de Quetzaltepec

⁸ Komjëpom ko ja filistejë ja'ayëty ojts nyëjkxtë ets twijtsmuka'antë ja y'o'kpëty, tääts tukye'eypyäjtë ja Saúl mëët nitëkëëk ja myaank, ooky jam jyëpijpnëtë tunkëjxm ma txëëwatyën Guilboa.

1 Samuel 31:8 ပူးပေါင်းရင်းမြစ်များ

2 Crónicas 20:25

Ënät ja Josafat mëët ja jyä'äy myiintë ets tpëjkmujktaaytyë winë mëti'ipë ënäty ja mëtsip të tyajwë'ëmtën, mëti'ipë të tni'o'ktu'utën. Ojts tpaatë may ja jëyujk, tsajpkaa, may ja tsaa, pujxn mëti'ipë myëtsiptuuntëpën, may ja wit tujkxy ets winëjaty mëti'ipë tsowëtyën. May jam winë t'ëxmajtstën ja mëtsip, tëkëëk xëëw pyoxtë ja Josafat mëët ja jyä'äy ets tpëjkmujktaaytyë winë.

1 Crónicas 10:8

Komjëpom ja filistejë ja'ayëty nyëjkxtaaytyë ma jam ja o'kpëtyën ets tpëjkmujkta'aja'antë winë, ënät tukye'eypyäjtë jam ja Saúl ja nyini'kx mëët ja y'u'unk y'ëna'k, tëë y'o'ktaaynyëtë jam ma ja Guilboa kopkën.

1 Samuel 31:7

Ko jëtu'un t'ijxtë ja Israel ja'ayëty mëti'ipë ënäty jam tsënaaytyëpën awinmtsow ma ja joyjyot yajtuknajxtaaynyën, ënät ojts kyäkpëtsëëmta'atë jam kyajpnjotmëty, jä'ä ko ja Saúl tëë ënäty nya'o'knë mëët ja myaank. Tääts ojts myiinëtë ja filistejë ja'ayëty jam tsyënaaytyaknpëjknëtë.

1 Samuel 31:9

Ënät ja kyëpajk ojts nëtsujkëtë ets ja pyujxn tpëjkëtyääytyë mëti'ipë myëtsiptuuntëpën ets ojts ja käjpxy ayuk tkäjxwa'kxta'atë maajaty yajpaatën ja filistejë ja'ayëty ets yajtuk'ëwa'anëtya'atëty ja ja'ay jap tsajptëkoty ma ja tios tyaj'itën.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

1 Samuel 28:4

Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

2 Samuel 1:21

Nijëna'a nëjkx jam kya'ëktuu kya'ëkpojnë, nän ka'ap yë maanik jam y'ëkëtaknëty, jam ma ja tun kopk txëëwatyën Guilboa, jä'ä ko ma tääpë itjotmën o'kën yë jam të y'ity. Jam yaj'atä'än yajtukta'antë ja tsiptuunpëtëjkëty ja pyujxnëty kyu'umënëty. Jam ojts yaj'ijxtëkooynyë ja pujxn mëti'ipë ijty ja Saúl nätyuk'akëëytyujkëpën.