1 Samuel 31:4 - Biblia Mixe de Quetzaltepec

⁴ Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënäty näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

Biblia Dc en Mixe de Quetzaltepec

⁴ Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënety näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

1 Samuel 31:4 ပူးပေါင်းရင်းမြစ်များ

2 Samuel 1:1

Tëë ënäty ja Saúl y'o'knë, ko ja David ojts nyijkxy jam Siglag, yë'ë ënäty mëët të tsyiptuunta'ay ja Amalec ja'ayëty, ma ka'ap tyajmëtäkyën, jam ojts y'ity mäjtsk xëëw.

2 Samuel 1:14

¿E wi'ixtsën ko mijts të xy'ëknixajë'kpë ja ja'ay mëti'ipës mëj ënä'ämpë'ajtëpën mëti'ipë ja Tios kë'ëm win'ijxën? Jëtu'un ja David mëk y'ënäny.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënäty nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënäty të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 21:12

ënät ojts jam nyijkxy ets tyajpëtë'ky ja Saúl ja wyääy pyajk ets näjyëtu'un ja myaank Jonatán ja jyä'ä; yë'ë ënäty jam kyëwent'ajtëp yë Japës ja'ayëty jampë tsyëënëtën Galaad. Yë Jabés ja'ayëty jam ojts yë Saúl ets Jonatán yë wyääy pyajkëty tmäätstë Bet-sán, ma tkutëëytyën yë filistejë ja'ayëty ko tyaj'o'ktë jam Guilboa.

1 Reyes 16:18

Ko ja Zimri t'ijxy ko tëë ja kyajpn yajnitëkë, ënät ënätyë kyupëyë'ëkëy jap tëkoty ma yajkutukyën ets tjëën ixko'onëy ja kutujkëntëjk, tap ënäty yë'ë tëkoty, jëtu'un'äämpy ojts nyäyaj'ookyë kë'ëm.

1 Reyes 16:27

Ja nyimëtyä'äky ja Omri, tëkokyë mëti'ipë tyuunën ets wi'ix winë tuunyën, jap myiny kuja'ay ma ja nokyën, mëti'ipë nyoky'ajtëpën ja yajkutujkpëtëjk mëti'ipë tuuntën jam Israel.

1 Crónicas 10:4

Ënät ja Saúl ojts ënätyë tjamëkäjpxy ja tyuunpë mëti'ipë myëët'ajtypyën ja akëëytyujkën ets t'ënëmaay: Yaj'o'kës mëët yë mtëypyujxn, këtiipë tääpë mëtsip xytyukxi'iktëtyës. E ja tyuunpë ka'ap nye'a'ijxëy tyaj'ookëty ja wyintsën mëët ja mëktsë'ëkë. Ënät ja Saúl ojts kë'ëm tkajpë'ëky ja tyiypyujxn ets tkukëtaawë'ky, jëtu'un kë'ëm nyäyaj'o'kë.

Jueces 14:3

E yë tyeety tyaak jëtu'un y'ëtsoowtë: ¿Wi'ix ko jam muum yë to'oxytyëjk xy'ixta'ajaanpë ma filistejë ja'ayëtyën ka'apë yë Tios t'ëwtatën? ¿To'oxytyëjk jëtää yaa ka'ijtpë ma mëkunaax mëkukajpnënë? Yë Sansón y'ëtsooy: Tääpë kiixy yë'ëjës jëtu'un të ntsojkën'aty ets yë'ëjës mpëkäämpy.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënät ja tyuunpë tyukmoxmëku'umëyë ja yenypyujxn ets jëtu'un y'o'ky.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 17:26

Ënät yë David tyajtëëy yë ja'ay jampë ënäty winkon tyänëtën: ¿Tii jëtää yajmo'ojëp ja ja'ay mëti'ipë ënäty yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Tios yë tsyiptuunpëtëjk.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënäty ja o'kën tyukja'tyë, ëkë ko ënäty jam y'ooky tyëkoy tsipjotm.

1 Samuel 31:5

Ko t'ijxy ja tyuunpë ko tëë ja Saúl y'ooky, ënät näjyëtu'un nyäyaj'o'kë.