1 Samuel 30:8 - Biblia Mixe de Quetzaltepec

⁸ tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

Biblia Dc en Mixe de Quetzaltepec

⁸ tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

1 Samuel 30:8 ပူးပေါင်းရင်းမြစ်များ

Génesis 14:16

Tääts tpëjkëtya'atë tu'kë'ëyë, mëti'ipë ënäty të tmäätstën. Jëtu'un ojts yë Abram tyajtso'oky yë tsyojkmaank Lot. Yë Lot ojts jatëkok tpata'ay mëti'ipë ënäty të yajpëjkën, jëtu'un tsyoktë ja to'oxytyëjk ets ja ye'etyëjk mëti'ipë ënäty të yajmatstën.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

2 Samuel 5:23

David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënäty jam të mja'ty ma ja kepyjotyën mëti'ipë yajtijpën bálsamo.

Salmos 50:15

Mëkajpxkës ko ënäty mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënäty myony tyukyën etsës nyajnaxa'any kumay;

Éxodo 15:9

Yë mmëtsip tyaa ënäty të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënäty të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Números 27:21

Yë Josué nëjkxëp kë'ëm nyäwya'këxë'ëkyë ma teety Eleazarën. E yë Eleazar yë'ë kyajpxkëxë'ëkëp maas ëjtsën mëët yë Urim. Josué yë'ë nëjkx tni'ënä'ämë tii mëpaat tuntën yë Israel ja'ayëty.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Tios ënäty wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Jueces 8:4

Ënät tsyo'ontë yë Gedeón jam ma ënäty yajpaatën mëët nitëkëëk mëko'px ja jyä'äy ets tuknajxtë ja Jordán nëë oy ënäty tëë yajxon jya'ënu'kxëtë, mëët ko ja myëtsip të tpapo'otë tu'kxëëw.

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënät Ja Wintsën y'ëtsoowinpijty ko ja Saúl tam ja ënäty yajpaaty je'eyëp ko tëë ënäty nyäyu'utsyë ma ja xyuumy tyaj'itën ja mayjyä'äyëty.

1 Samuel 14:37

Ënät ja Saúl tyajtëëy ja Tios: ¿Oy'atëp koos nitëkëty yë filistejë ja'ayëtyë? ¿Mkë'ëyakëp ma Israel ja'ayëtyënë? E ja Wintsën ka'ap ojts y'ëtsoy jä'ä xëëw.

1 Samuel 23:2

tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

1 Samuel 23:4

Ënät ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

1 Samuel 30:18

David ojts jatëkok tpata'ay mëti'ipë ënäty ja Amalec ja'ay të tmäätstën, ojts näjyëtu'un tyajtso'oky ja nimäjtskpë ja tyo'oxytyëjk.

1 Samuel 30:19

Ka'ap ojts tii tyëkoy'ity, ja to'oxytyëjkëty, pi'k ëna'këty ets ja mëjja'aytyëjkëty, kä'pxy ja David jatëkok tpataay.