1 Samuel 30:29 - Biblia Mixe de Quetzaltepec

²⁹ jam Racal, näjyëtu'un ma ja myëku'uktëjkëtyën mëti'ipë jam ijtëpën ma ja naax kajpn yajtijtën Jerahmeel, ma ja quenitëja'ay tsyëënëtën,

Biblia Dc en Mixe de Quetzaltepec

²⁹ jam Racal, näjyëtu'un ma ja myëku'uktëjkëtyën mëti'ipë jam ijtëpën ma ja naax kajpn yajtijtën Jerahmeel, ma ja quenitëja'ay tsyëënëtën,

1 Samuel 30:29 ပူးပေါင်းရင်းမြစ်များ

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.

1 Samuel 15:6

Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

1 Samuel 23:19

E ja ja'ayëty mëti'ipë jam kukajpnajtëpën Zif ojts nyëjkxtë jam Guibeá ets t'ënëmaaytyë ja Saúl: Yë David tam yajpaaty ëjts naaxjotmëty jam kopkjotm ma txëëwatyën Haquila, jam ma ja mëj kajpnën mëti'ipë yajtijpën Horés, ëpa'tkë'ëmtsow wyi'imy ma ja të'ëts'itjotmën.

1 Samuel 27:10

Tääts ijty ja Aquis yajtëyë: ¿Mëti'ipë kajpn ojts tyam të xymyeetsy? Tä ja David y'ëtsoy: Jam ëpa'tkë'ëmtsow ma Judá y'itjotmën ets näjyëtu'un jam ëpa'tkë'ëmtsow ma Jerahmeel tnitänën, näjyëtu'un jam ëpa'tkë'ëmtsow ma quenitëja'ay yajpaatën.