1 Samuel 30:21 - Biblia Mixe de Quetzaltepec

²¹ Ko ja David jyä'äjty jam ma ja nimäjtskmëko'pxpë ja jyä'äy të wyë'ëmtën mëti'ipë ënäty të y'ënu'kxëtën ets ka'ap ojts jyämyëët'atëtë, ënät nyipëtsëëmëtë ets ojts jyëjpye'eyë'ëkëtë. Ko ja David jëtu'un t'ijxy tääts ojts tkajpxpo'kxta'ay.

Biblia Dc en Mixe de Quetzaltepec

²¹ Ko ja David jyä'äjty jam ma ja nimäjtskmëko'pxpë ja jyä'äy të wyë'ëmtën mëti'ipë ënety të y'ënu'kxëtën ets ka'ap ojts jyämyëët'atëtë, ënät nyipëtsëëmëtë ets ojts jyëjpye'eyë'ëkëtë. Ko ja David jëtu'un t'ijxy tääts ojts tkajpxpo'kxta'ay.

1 Samuel 30:21 ပူးပေါင်းရင်းမြစ်များ

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

1 Samuel 30:10

Jamts ojts wyë'ëmtë nimäjtsk mëko'px ja ja'ayëty mëti'ipë ënäty yajxon të y'ënu'kxëtën ets ka'ap y'ëkmëtaknëtë tuknaxtëty ja wokjot, je'eyë ojts nimajktaxk mëko'px ja David tjaak panëjkxtë.

Jueces 8:15

Tä ja Gedeón ojts jam nyijkxy Sucot ets t'ënëmaay ja kukajpnëty: ¿Miitsëty wa'ats jëtää xyjyä'ämyätstë wi'ix ojts xynyëxi'ik xytyukxi'iktësën maas ënäty mëët näpyajëtitëtën ja Zébah ets Zalmuná? ¿Mja'amyäjtstëp ko miitsëty nitu'ktukyën ojts yë nja'ayës xykyamo'oja'antë kääky uuky oy ënäty tëë jya'ënu'kxënëtë; miitsëty je'eyë m'ëtsoowtë ko tiis ëëts nätyukyajmëjnajxëtëp kajts maa ja mëtsip tmatstëmës?

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Samuel 30:22

E mëti'ipë ënäty ka'ap y'oyëtyën ja jyot wyinma'any, tä y'ënantë: mëti'ipë ka'ap të y'otstën tsiptuunpë ka'ap tii nyitëkëty yajmo'otëty mëti'ipë të nitsiptu'unëmën. Yi'iyë mëpaat yajmo'otë yë y'u'unk y'ëna'këty ets tyo'oxytyëjkëty, ko wäänë myëjaawpëktëty tääts nyëjkxtëty.

1 Samuel 17:18

Mënëjkx näjyëtu'un ya'atë kesë ets xymyo'ojëty yë tsiptuunpë Wintsën. Jam xy'ixëty yajxon wi'ix ja m'ajty yajpaatë ets mëminëp oynatii mëti'ipës ntuk'ixëpën ko oy mëk jamëty.

1 Samuel 17:22

E tëkokyë mëti'ipë ënäty ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënäty ja y'äjty yajpaatën ets t'ixa'any wi'ix jam jyatë kyëpätën.