1 Samuel 30:16 - Biblia Mixe de Quetzaltepec

¹⁶ Ets ojts tjantywyoownëjkxy jam ma ënäty tääpë ja mä'tspë yajpaatën. Xity ko'ow ënäty të nyätyuunta'ajëtë jam kamjotm. Je'eyë jam kyääynyëtë pyëjknëtë ets y'uknëtë pyëjknëtë, tukxëëwtuntë ko ënäty ojts të myäätstë jam ma ja filistejë ja'ay ja kyajpnëtyën ets ma ja Judá kajpn näjyëtu'un tnitänën.

Biblia Dc en Mixe de Quetzaltepec

¹⁶ Ets ojts tjantywyoownëjkxy jam ma ënety tääpë ja mä'tspë yajpaatën. Xity ko'ow ënety të nyätyuunta'ajëtë jam kamjotm. Je'eyë jam kyääynyëtë pyëjknëtë ets y'uknëtë pyëjknëtë, tukxëëwtuntë ko ënety ojts të myäätstë jam ma ja filistejë ja'ay ja kyajpnëtyën ets ma ja Judá kajpn näjyëtu'un tnitänën.

1 Samuel 30:16 ပူးပေါင်းရင်းမြစ်များ

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

1 Crónicas 4:43

mëti'ipë yajkutëkooytyën ja Amalec ja'ayëty. Jëtu'un ojts jam yë'ë wyë'ëmnëtë tsënääpyë, tyaampaat yë'ë jam tsënaaytyëp.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Salmos 119:162

Ëjts janty jotkujkës nnäjyawëty koos të xytyukwinwanë winë, jëtu'unës nnäjyawëty tääjës jeexyë yë pu'ts pujxn muum may të npaatyën.

Éxodo 32:6

Ko kyomjëpom'ajty, janty ju'unëm ojts myä'äypyëtë'kojtë ets ja wintsë'kën ojts tkë'ëyajkojtë, kanaak tyajnitooytyë ja jëyujk, tuntë jëtu'un ja nämyë''ëëw'oy näymyëkajpx'oyë, wäänë y'ijty tä ojts ja mayjyä'äy tyëkëtë kääpyë ukpë. Ko jëtu'un y'ëkkaaytyääy y'ëk'uktaaytyë tääts tyëjkëtyë äjtspë pujtpë.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Isaías 9:3

Wintsën, mijts të xyajminy të xyajkëtä'äky ja jotkujk'ajtën; mëj këjää ja jotkujk'ajtën tyam yajmëët'aty, janty jotkujk tyam ja ja'ay nyäyjyawëtë, jëtu'un tä jyää'atyën ja xoontakën ko ja pëjktä'äky y'ity wyintëy, ijxtëm xyoonta'aktën ja ja'ayëty ko ja wit meeny nyätyuknikääkëtë.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Josue 22:8

Ets t'ënëmaay: tyam oy mwinpijnëtëty, mënëjkxtë ja mwit mmeenyëty, ja pu'ts pujxnën, poop pujxnën, tsuxkpujxnën ets ja juunpujxnëty; näjyëtu'un ja maywyit maytyujkxy mënëjkxta'atë ets yajwa'kxtë jam ma ja mjëëky mëku'ukëtyën mëti'ipë ja mëtsip të xypyëjkëtën.

Jueces 8:11

Gedeón yë'ë ojts yë tu'u tkuuynyijkxy mëti'ipë pya'anajxypyën yë të'ëts'itjot, a'oytsyow, ma wyi'imyën yë Nóbah ets Jogbehá. Yë myëtsip, ajotkumonë ojts t'ëkëty tyukja'ty ma ënäty yë'ë ka'ap ninu'un timjyëjp'ixtën.

1 Samuel 30:14

Jamës ënäty ojts të nmäätstë apa'tkë'ëmtsow ma Queret ja'ay tnitänëtën ets Judá ja'ayëty ets Caleb ja'ayëty, tëëjës näjyëtu'un nino'oktë yë Siclag kajpn.

1 Samuel 30:15

¿Oyës jam xywoownëjkxëty ma tääpë mä'tspë yajpaatanë? Jëtu'un ja David tyajtëëy. E ja Egiptë ja'ay tyaa ja y'ëtsooy: Tyam nwoownëjkxëty je'eyëp ko ënät pën ka'apës xykyë'ëyäky maas yë nwintsënën ets näjyëtu'un pën ka'ap mijts xyaj'ookyës.