1 Samuel 3:9 - Biblia Mixe de Quetzaltepec

⁹ Ënät t'ënëmaay: Nëjkx mnäkyo'okyë; pën mëkajpxëp jatëkok yë Wintsën, tyaa xy'ëtsowëty: Nikajpx Wintsën tyamës nmëtoow'ity. Tä ja Samuel ojts nyijkxy ma ja myaataknën ets nyäkyo'kë jatëkok.

Biblia Dc en Mixe de Quetzaltepec

⁹ Ënet t'ënëmaay: Nëjkx mnäkyo'okyë; pën mëkajpxëp jatëkok yë Wintsën, tyaa xy'ëtsowëty: Nikajpx Wintsën tyamës nmëtoow'ity. Tä ja Samuel ojts nyijkxy ma ja myaataknën ets nyäkyo'kë jatëkok.

1 Samuel 3:9 ပူးပေါင်းရင်းမြစ်များ

Salmos 85:8

Nmëtoow'itäämpyës yam wi'ix yë Tios y'ënä'änyën; jä'ä ko yë'ë nyikajpxäämpy wi'ix mëpaat yë nyaax kyajpn jotkujk y'ityën, ets ja'ayëty mëti'ipë oy mëtuunëpën, këtiipë t'ëktuunëtëty ka'apë tyuunëtyën.

Salmos 85:9

Janty tëyajtën jëtu'un, ko yë Tios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Éxodo 20:19

Paaty t'ënëmaaytyë ja Moisés: Mijts ëëts mëëtmëtyaktëk ets npatuntëtyës tëkokyë, mëti'ipë ënäty mnikäjpxypën. Ka'apës ntsoktë ets Tios yë'ë xymyëkajpxtëtyës, jä'ä ko tsojkës xy'ëkyaj'o'ktaaynyëtëty.

Isaías 6:8

Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Tios yë'ë mtsojkëp; jotmëk myajpaatëty ets këtii mkumay mkutajë. Tamës ënäty jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënät ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Josue 5:14

Ënät ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?

1 Samuel 3:10

Ënät jatëkok ja Wintsën myiiny ets ojts tmëkäjpxy ja Samuel. Samuel, Samuel. Kajpx, Wintsën, tyamës nmëtoow'ity. Jëtu'un y'ëtsooy yë Samuel.

1 Samuel 3:8

Ënät ja Wintsën ojts jatëkok tmëkajpxkojnëpë ja Samuel, jä'ä ja mëtëkëëk'okpë. Ënät pyëti'ky ënätyë ets ojts jap nyijkxy ma ja Eli myä'äyën, tää t'ënëmaay: Tyaajës nminy Wintsën, ¿Tiijës ko xymyëkäjpxy? Tää ja Eli twinja'awëy ko ja Wintsën Tios ënäty mëkajpxëp ja Samuel.