1 Samuel 3:20 - Biblia Mixe de Quetzaltepec

²⁰ Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënäty tu'uk mëj Tios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.

Biblia Dc en Mixe de Quetzaltepec

²⁰ Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.

1 Samuel 3:20 ပူးပေါင်းရင်းမြစ်များ

Jueces 20:1

Ënät ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

2 Samuel 3:10

ko yajpëjkëty yë Saúl yë kyutujkën ets David yë'ë yajmo'ojëty ets yë'ë tyu'uwinwowëty ma ja Israel kajpnën, ma Judá kajpnën, tyimtsoony jam Dan y'itjotm ets tyimja'ty jam Beerseba y'itjotm.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,

2 Samuel 17:11

E mijts mëti'ipë ntukwinjawëjäämpyën, mëti'ipë jeexyë mëpaat xytyunyën, nikë yajmujkta'a tëkokyë yë ja'ay mëti'ipë jam tsënaaytyëpën Dan ets jampaat Beerseba, ko yë'ëjëty nyämyukëtëty yajxon ënäty nimay nyäpyatënëtë jëtu'un tä yë nëë ajinën ets mijts kë'ëm ya'atë tsip mtimwyinwowëp.

Hechos 13:20

Jëtu'unts jyä'äjty taxk mëko'px ja kujkm jëmëjt. Ënät ja Tios myooyëtë ja paye'epyë koonëm ja Tios ja kyäjpxynyajxpë myiiny mëti'ipë xyëëwajtypyën Samuel.

1 Samuel 12:11

E mëët ko jëtu'un mëk ja Tios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

Deuteronomio 18:21

E pën miitsëty mmaaytyëp mtajtëp: ¿Wi'ix nija'awëmëty mëti'ipë të yajkäjpxyën pën ka'ap yë'ëjëty Wintsën ja y'aaw y'ayuk? Ya'atë mtuknijawëtëp.

Ezequiel 33:33

Ja aaw ayuk mëti'ipë mnikäjpxypën atëëwta'ajaanp jä'ä; ko ënäty jëtu'un tyunyë jyätyë, jäänëm nëjkx tja'akyukëtë ko täätëm të jyayajpaaty tu'uk yë käjpxynyajxpë.

Amós 2:11

E ka'ap tjëkyepy pën y'ëna'anëty ko ka'ap tyiyëty ko ojts jam njuutyës ma miitsëtyën yë ja'ay mëti'ipë ojts mpëjktä'äkyënës käjpxynyajxpë ets nazareo ja'ay. Yë Wintsën jëtu'un ënaanp.