1 Samuel 3:2 - Biblia Mixe de Quetzaltepec

² E tu'kxëëw tu'kjëmëjtëty ma ënäty yë Eli tëë y'ijxën myoonën, jap ënäty myä'äy ma ja tyëjkën.

Biblia Dc en Mixe de Quetzaltepec

² E tu'kxëëw tu'kjëmëjtëty ma ënety yë Eli tëë y'ijxën myoonën, jap ënety myä'äy ma ja tyëjkën.

1 Samuel 3:2 ပူးပေါင်းရင်းမြစ်များ

Génesis 27:1

Yë Isaac tëë ënäty myëjja'ayënë ets ka'ap y'ëk'ijxnë, paaty ojts tëkok tmëkäjpxy ja myaank mëti'ipë kä'äxkopkën, ja Esaú ets t'ënëmaay: U'unk maay. Tä y'ënäny yë Esaú: Wi'ix tatë.

Génesis 48:10

Yë Israel tëë ënäty myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy.

Génesis 48:19

E yë tyeety ka'ap jëtu'un t'a'ijxëy ets y'ëtsooy: Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.

1 Reyes 14:4

Jëtu'un ojts tjantytyuny ja Jeroboam ja tyo'oxytyëjk. Ojts nyänyi''ixëty ets ojts nyijkxy jam Siló, ko jyä'äjty ma Ahías ja tyëjkën. Ahías ka'ap ënäty oy y'ëk'ijxnë, jä'ä ko mëj ja'aynyë,

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Eclesiastés 12:3

Minaanp ja xëëw jëmëjt ma je'eyë tsyëtyuya'antën ja mëti'ipë y'ijx'ijtëpën ja këmoontëjk ets ma ka'ap ja jotmëkja'aytyëjk y'ëkjotmëk'atanëtë; ma wäänë jyaak wë'ëma'antën yë jëtsy nyimääpëtëjkëty; ets ma ka'ap y'ëk'ijxkä'äkanëtë mëti'ipë ijxnajxtëpën ventanëjoty.

1 Samuel 2:22

Ja Eli mëjja'ay'ëtëtsnëp ënäty ni'ikyë, e oy jyëtu'unëty, nyija'awëtyääpy wi'ix ja y'ëna'k y'ëtë'ëtstën, ets yë'ëpaat ënäty mëët y'ijtmujknëtë ja to'oxytyëjkëty mëti'ipë jam tuuntëpën ma yajnitëkën ja wit tëjk ma mëët ja Tios ja näpyaatë y'ityën.

1 Samuel 4:15

Eli jä'ä ënäty ja jyëmëjnë majkta'px majkmokx tëkëëk ets ka'ap ënäty y'ëk'ijxnë.