1 Samuel 3:18 - Biblia Mixe de Quetzaltepec

¹⁸ Ënät ja Samuel tyëjkëy mëtyakpë, wa'ats tuk'ëwa'anëtyääy ja Eli. Ets ja Eli y'ënäny: Tios yë'ë Wintsënajtp. Wa'ats ttuny mëti'ipë yë'ë y'oyjya'apën.

Biblia Dc en Mixe de Quetzaltepec

¹⁸ Ënet ja Samuel tyëjkëy mëtyakpë, wa'ats tuk'ëwa'anëtyääy ja Eli. Ets ja Eli y'ënäny: Dios yë'ë Wintsënajtp. Wa'ats ttuny mëti'ipë yë'ë y'oyjya'apën.

1 Samuel 3:18 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

2 Samuel 10:12

Këtii mtimtsyë'ëkëty, amëk jotmëk tim it, tsojk nkuwa'anëm yë nnaax'ajt nkajpn'ajtëm ets tsojk nitsiptu'unëmë yë Wintsën yë nyaax kyajpn. Wä'än yë Wintsën t'ix wi'ix të tuknipëjktaakë.

2 Samuel 15:26

E pën yë'ëts ënaanp ko ka'apës oy nmëtuny, tyaajës yë nyajpaaty; wä'än t'ixy pën tii tyunäämpy.

2 Reyes 20:19

Ja Ezequías, tyaa ënäty myäy tyäjy ko ma yë'ë tyunyën ka'ap ënäty ja jëtu'unpë nyatuna'any nyajata'anyë, paaty t'ëtsooy ja Jeséas: Ja aaw ayuk mëti'ipë ja Wintsën mtukmëkäjxëyëpën oy yë'ë.

1 Crónicas 19:13

Amëk jotmëk timyajpaat, tsojk nitsiptu'unëm yë naax'ajt nkajpn'ajtëm ets ja Tios ja nyaax kyajpn. Tyam tsojk nätyukë'ëwa'anëm yë Wintsën, yë'ë nyija'ap wi'ix winë tuna'any.

Job 1:21

Ënät y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Job 2:10

Ënät ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Tios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Éxodo 34:5

Ënät ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Isaías 39:8

Ezequías yë'ë tyukjotkujk'atëp ko yë'ë oy yajpaata'any mapaat jyuuky'ätyën, paaty t'ëtsooy ja Jeséas: Ja Wintsën ja y'aaw y'ayuk mëti'ipës mijts xytyuknimiimpën oy yë'ë.

Jeremias 34:6

Yë Jeremías käjpxynyajxpë ojts ja aaw ayuk tkajpxnajxta'ay ma ja yajkutujkpën Sedequías jam Jerusalén.

Jeremias 38:14

Ënät ja Sedequías yajkutujkpë ojts tmëkäjpxy ja Jeremías käjpxynyajxpë ma ja mëtëkëëkpë ja tëjk'aawën ma ja kajpn yajnitëkën. Ets t'ënëmaay: Tu'ukës yë yajtë'ëwën ntuna'any ma mijtsën ets jä'äs ntsoky xy'ëtsoowinpitëty mëtëy.

Jeremias 42:4

Tä ja Jeremías y'ëtsoowëtë: Oy'atëp. Tyamës yë mWintsën nmënu'kxta'akëty mëti'ipë mTiosajtëpën mëët miitskyëjxmëty, jëtu'un tääjës xypyëjktsowtën, ok ënät ntuk'ëwaanëtëty wi'ix y'ëtsoyën, ni tu'ukës ja ayuk nkayajninaxa'any.

Lamentaciones 3:39

Yë naaxwiinyëtë ja'ay pokyjoty je'eyë jyuuky'äty, ¿tii ko nëkoo? y'ënä'äny y'ëti'itsy.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

1 Pedro 5:6

Yujy tëtä'äky näpyëjkta'akëtë Tios kyë'ë'am ets ja Tios mmëjpëjkta'akëtëty ko ënäty ja tiempo tpaaty.

Jueces 10:15

Tääts ja Israel ja'ayëty t'ëtsoowinpijtë ja Wintsën: Poky ëëts të ntuntë mëjwiin këjää, mijts ix wi'ixës xytyuna'antë, je'eyëp ko tun mëyajtën yajtsoktëkës tyam.