1 Samuel 3:13 - Biblia Mixe de Quetzaltepec

¹³ Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

Biblia Dc en Mixe de Quetzaltepec

¹³ Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

1 Samuel 3:13 ပူးပေါင်းရင်းမြစ်များ

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Proverbios 19:18

Tukumëtow ja m'u'unk ma winë oy tkatunyën ma tyam tjëkyepyën; e ko xytyukkumëtowëty këtii ënät xytyimyaj'ookaanpëty.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,

1 Samuel 2:17

E jëtu'unkyëjxm ja poky, mëti'ipë ya'atë ëna'ktëjk tyuuntëpën mëj këjää ënäty nyipäjnë jam Tios wintum, jä'ä ko yë'ë ënäty tyuk'ëyë'këtëp ja Wintsën ja wyintsë'kën.

Ezequiel 18:30

Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënäty axit ako'owë mjatë mkëpätë.

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

1 Reyes 1:6

Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënäty jëtu'un winë tuny. Adonías ok ënäty të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

Proverbios 29:15

Mëët yë näywyop näkya'atsë ja'ay tii tjaty, yë u'unk ëna'k mëti'ipë yajtsojkni'ikëpën je'eyë tyaak tyajtsëtyuny.

1 Juan 3:20

pën nja'awëm jootjoty winma'anyjoty ko ka'ap tii oy ntu'unëmë, Tios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënäty oy nkatu'unëm.

Joel 3:12

Nänyipëjktaakëtë naax kajpnëty ets nëjkxtë jam Josafat, jä'ä ko jam ja Wintsën ja paye'eyën tuna'any ma tëkokyë naax kajpnën mëti'ipë nämyëwinkon'ajtëtëpën.

Eclesiastés 7:22

Mijts wa'ats xynyijawë ko nän mnikäjpxy mnimëtyäkpy yë mjëëky mëku'uk tëkatsy.

2 Crónicas 20:12

Wintsën ma mijts myaj'ëwtatyën, ¿tii këtiijën xytyukkëpäta'any ko ëxëëk xytyuntësë? Ëëtsëty ka'apës näy'a'ixëtë mëët ntsiptuntëty jä'ä ko nimay yë'ëjëty. Ka'apës nijawëtë tiijës ntuntëp paaty mijts tu'ukyë myajtuk'ijxpety.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 21:18

Ko pën yë myaank kyamëtowëty ets kyäjpxykyumëtoownaxëty, oy wi'ix ja tyeety tyaak jya'ënë'ëmxëty ets oy jyatëytyunëtëty ets ni yë'ë tkamëjpëjkta'akëty.