1 Samuel 3:12 - Biblia Mixe de Quetzaltepec

¹² Ko ënäty jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.

Biblia Dc en Mixe de Quetzaltepec

¹² Ko ënety jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.

1 Samuel 3:12 ပူးပေါင်းရင်းမြစ်များ

Ezequiel 21:5

Nëjkxëp yë ja'ay tnija'awëtya'atë ko ëjts Wintsën, tëëjës ja ntëypyujxn nyajpëtsëmy ets ka'apës mpëjkë'ëka'any.

Zacarías 1:6

E yë n'ayukës ets n'ënä'ämënës, mëti'ipës ënäty të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënäty o'ktëy të nyajjat të nyajkëpätë jä'ä ko jëtu'unëtën ënäty nyitëkëtë ja y'ëxëëktu'un y'ëxëëkkajpxënëty, ko ka'ap ënäty tii oy të tuntë.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Lucas 21:33

Këxaanp naxaanp yë naax tsajp, e yë n'aaw n'ayukës nijëna'a kyakëxa'any.

Josue 23:15

E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

Jueces 4:24

Jä'ä xëëw jä'ä po'o tsyo'ontäky, mëk ojts yë Israel ja'ayëty tyaj'ëyowtë yë Jabín ets koonëm tyaj'o'ktë.

1 Samuel 4:11

Ojts näjyëtu'un tjä'äpëktë ja Tios ja kyaaxë ets tyaj'o'ktë näjyëtu'un ja Ofní ets Finees mëti'ipë myaank'ajtypyën ja Eli.

1 Samuel 4:17

Tääts ja ja'ay y'ënëmaayë: Tëë ja Israel ja'ayëty kyäkta'atë ets janty may yë ja'ay të y'ëk'o'knëtë, tëë y'ooktë nimäjtsk ja mmaank Hofní ets Finees, ets näy tëë ja filistejë ja'ayëty tmënëjkxtë ja Tios ja kyaaxë.

1 Samuel 4:21

Ets tyajxëëwpejty ja myaank Icabod, jä'ä ko tyaa y'ënäny: Yë Israel jëtu'unyë të wyi'imy mëj'ajtëntuk, jä'ä ko tëë yajpëjkëtë ja Tios ja kyaaxë. Mëët ko jëtu'un y'ënäny, jä'ä ënäty tyijpy ko ja Tios ja kyaaxë wiink ja'ay të myënëjkxyë, ko ja tyeety myë't të y'ooky ets ko ja nyiye'etyëjk ënäty näjyëtu'un të y'ooky.