1 Samuel 28:3 - Biblia Mixe de Quetzaltepec

³ Tääpë jëmëjt ja Samuel tëë ënäty y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

Biblia Dc en Mixe de Quetzaltepec

³ Tääpë jëmëjt ja Samuel tëë ënety y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

1 Samuel 28:3 ပူးပေါင်းရင်းမြစ်များ

Éxodo 22:17

Oy ënäty ja tyeety ka'ap jyayaka'anyë, ja ye'etyëjk kwanë ko tkuyakëty ja to'oxytyëjk, jëtu'un ijxtëm ënäty ja to'oxy'ëna'k tu'uk yajkukëpetyën mëti'ipë ka'ap ja ye'etyëjk tmëëtsëënënëm.

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Levitico 19:31

Këtii xynyinëjkxëty oy natiipoj natii ënääw ets mëti'ipë nasja'apën. Këtii xy'ëxëëktuntëty yë mjuukyajtënëty, ko yë'ë tii xyajtëëwpëtëty. Ëjts jëtu'un Wintsën mëti'ipë miits mTiosajtëpën.

Levitico 20:27

Yë ye'etyëjk ëkë to'oxytyëjk mëti'ipë pojmëkajpxtëpën, ëkë jä'ä tyuunk'ajtyp wi'ix winë tnajtsjawëtyën, kuka'atsy pyaatëtë xyaj'ooktëty ets kë'ëm jëtu'un ënäty nyätyunëtë.

Levitico 20:6

Pën myëkäjpxypën yë poj ënääw, ëkë nyinëjkxypyën yë najtsja'apë ets ja jyot wyinma'any tyajma'aty ko yë'ë tninëjkxy. Ëjts nän ntëytyunëpës tääpë ja'ay ets nëjkxëpës nyaj'ooky ma ja nyaax kyajpnën.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

1 Samuel 28:9

Tääts ja to'oxytyëjk y'ëtsoowë: Mijts wa'ats xynyijawë wi'ix yë Saúl y'ëti'itsyën. Tëë wa'ats t'ëxwojpta'ay yë ja'ay mëti'ipë najtsja'awëtëpën ets mëti'ipë o'kpë yajmëtyaktëpën. ¿Wi'ix ko xy'amëtoyës ets ntunëtyës ja mëti'ipë je'eyë n'ëkku'o'kënëpës?

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.