1 Samuel 27:9 - Biblia Mixe de Quetzaltepec

⁹ Ko ijty tnitëkëtë tu'uk ja kajpn, nitu'uk tkayajwë'ëmtë ja ye'etyëjk to'oxytyëjk. Ja jëyujk tsajpkaa wa'ats tyajnëjkxta'atë, näjyëtu'un ja tsajppaxëty, kupixynyëty, jëyujk jëku'uxëty ets ja kruktsëty, yë'ëpaat yë wit tujkxy. Ko jëtu'un tyuunta'ay jyajta'ayë tääts ijty jatëkok jam Aquis wyimpitë.

Biblia Dc en Mixe de Quetzaltepec

⁹ Ko ijty tnitëkëtë tu'uk ja kajpn, nitu'uk tkayajwë'ëmtë ja ye'etyëjk to'oxytyëjk. Ja jëyujk tsajpkaa wa'ats tyajnëjkxta'atë, näjyëtu'un ja tsajppaxëty, kupixynyëty, jëyujk jëku'uxëty ets ja kruktsëty, yë'ëpaat yë wit tujkxy. Ko jëtu'un tyuunta'ay jyajta'ayë tääts ijty jatëkok jam Aquis wyimpitë.

1 Samuel 27:9 ပူးပေါင်းရင်းမြစ်များ

Génesis 16:7

Tëë ënäty yë Agar yë të'ëts'it tpëjknë ko ojts tu'uk yë Tios tsyajpjotmëtë kukäjpxy myëkäjpxyë, jam winkon ma tu'uk nëëwookyën, jä'ä xyëëwajtyp Shur,

Génesis 25:18

Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënäty jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënäty ka'ap të t'a'ixëtë.

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Éxodo 15:22

Ënät ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë.

Josue 6:21

Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 15:7

Ënät ja Saúl tyëjkëy tsiptuunpë mëët ja Amalec ja'ayëty, jam tyajtso'ontaktë ma txëëwatyën Havilá ets tyimja'ty jam Shur, ma ja tsyëpa'an nyaxtën mëët ja Egiptë ja'ayëty. Saúl ka'ap tyajmëtäky ja myëtsip.

1 Samuel 15:8

Ojts tmatsy ja Agag mëti'ipë ënäty jam ënä'ämpën ets ojts tyaj'o'kta'ay ja Agag ja tsyiptuunpëtëjk.