1 Samuel 27:8 - Biblia Mixe de Quetzaltepec

⁸ Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.

Biblia Dc en Mixe de Quetzaltepec

⁸ Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.

1 Samuel 27:8 ပူးပေါင်းရင်းမြစ်များ

2 Samuel 14:23

Ënätyë ja Joab tnitso'ony ja Absalón, jam ënäty yajpaaty Guesur ets tyajmina'any jam Jerusalén.

2 Samuel 14:32

Tä ja Absalón y'ëtsooy: Mja'amyejtsypë ko tëë njanikäxë ets jeexyë yaa të miny, tääts jeexyë ojts të xy'ixy yë yajkutujkpë mëët ëjtskyëjxm, ma jeexyë të xy'ënëëmë ko nëkoopës të nminy yaa nikë oyës jeexyë jam të ntimwyi'imy Guesur. Ëjts yë'ëjës yë yajkutujkpë nja'ixäämpy, pën ëjts pokymyëëtës wä'änës xyaj'ooky.

2 Samuel 15:8

Jamës ënäty ntsëënënëm Guesur, ma sirië ja'ayëty tsyëënëtën, jam ojts yë Wintsën n'ënëëmës pën xyajwinpijtpës oy mëk jam Jerusalén yë'ë nyajmiinëpës yë wyintsë'kën.

2 Samuel 3:22

Tëë ënäty yë Abner tsyo'onë, jëkäm jëtää ënäty nyëjkxnë, akujk jotkujk, ko yë Joab jyä'äjty jam ma ja David yajpaatyën mëët ja jyä'äy, tëë ënäty ojts tsyiptuntë paatykyëjxm tyajmiintë janty may mëti'ipë ënäty ja myëtsiptëjk të tpëjkëtën.

2 Samuel 3:3

ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

2 Samuel 8:12

ijxtëm ma mëti'ipë yajtso'ontën jam Edom, Moab, Amón, ma ja kyajpnëtyën ja filistejë ja'ayëty ets Amalec ja'ayëty, mëti'ipë ënäty të tpëjkëtën ja Hadad-ézer, yë myaank yë Rehob, jampë y'ëne'emyën Sobá.

1 Crónicas 2:23

E ja ja'ayëty mëti'ipë xyëëwajtëpën Guesur ets Aram ojts tniwa'këtë ja Jair ja y'ijtakn ets ojts näjyëtu'un tniwa'aktë ja kajpn mëti'ipë txëëwajtpën Quenat mëët ja mutskëtypë ja kajpn mëti'ipë yë'ë nyitënääpyën; jä'ä wyinë'aty tëkë'px kajpn. Tëkokyë ya'atë ja'ayëty aakyë'ë Maquir y'u'unk y'ok ijtë, Galaad yë tyeety.

Éxodo 15:22

Ënät ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë.

Éxodo 17:8

Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Números 14:45

Ënät ja Amalec ja'ayëty ets ja Canaán ja'ayëty nyipëtsëëmëtë, mëti'ipë ënäty jam tsënaaytyëpën ma jampë ja itjotmën. Ets pyapooyëtë tyimpaja'ajtëtë jam ma Hormá y'itjotën, jëtu'un'äämpy ka'ap yajmëtakëtë.

Josue 12:5

Jampaat ja it naaxwiinyëtë ijty tnitänë ma Hermón kopkën, anëkëjxytsyowpë wyi'imyën ets wiinkpë tsyo'ontä'äky Salka, mëti'ipë a'oytsyow yajpatpën, nyäxy jam Basán ets jyä'ty Guesur; y'ëwtity jam Maacá ets kujkwä'kxy yë Galaad y'itjotm mëti'ipë jamtsow wë'ëmpën ëpa'tkë'ëmtsow, mëti'ipë ënäty nyiwäämpyën yë Sihón, Hesbón yajkutujkpë.

Josue 13:13

Yë Guesur ja'ayëty ets Maacá ja'ayëty ka'ap yaj'ëxwojptë, Jämyë ojts wyë'ëmtë mëët yë Israel ja'ayëty, tyampaat yë'ë mëët tu'ukyë y'ijtmuktë.

Josue 13:2

E yë'ë jaakwë'ëmp yë filistejë ja'ayëty yë y'it nyaaxwiinyëtëty ets guesureos ja'ayëty,

Josue 16:10

Yë Efraín yë jyä'äyëty ka'ap ojts myäyëtë t'ëxwoptëty yë Canaán ja'ayëty jampë tsyëënëtën Guézer, ojts tyajwë'ëmtë ets mëët tsyënaamyujktë, je'eyëp ko ojts tuk'atsip'atë ets xëmë nyäkyukëpätëtëty. Paaty tyampaat yë Canaán ja'ayëty tämyëm yajpaatë ma tääpë it naaxwiinyëtën.

Jueces 1:29

Yë Efraín yë jyä'äyëty nän ka'ap myääyëtë twojpëtsëmtëty ja Canaán ja'ayëty jam Hézer, paaty yë Canaán ja'ayëty ojts jam wyë'ëmtë Guézer ets tu'ukyë tsyënaamyujktë yë Israel ja'ayëty.

1 Samuel 29:6

Paatykyëjxm yë Aquis ojts tmëkäjpxy yë David ets t'ënëmaay: Timjëtu'un ijxtëm tyiyajtënëtyën ko yë Wintsën jyuukyëty, mijts oy yë jot winma'any të xyajkëxë'ëky mëët ëëtsëty. Ets ëjts janty oyës n'ixy njawë wi'ix mijts winë xytyunyën ma yaa ijtakn y'ityën. Ka'ap ma tii ma'at n'ixyës ma ju'unën yaa mijts xynyiminyës. E tyam mijts yajxon n'ënëëmëty ko yë kopktëjkëty ka'ap m'oyjawëty.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.