1 Samuel 26:6 - Biblia Mixe de Quetzaltepec

⁶ Tä ja David myëtyäky mëët ja Ahimélec ja Hit ja'ay ets mëët ja Abisai näjyëtu'un, yë myaank yë Sarvia, yë myëkä'äx yë Joab, ets tyajtëëy: ¿Pën xyjyämyëët'ataanpës ets nëjkxmëty jam ma Saúl yajpaatyën? Tääts ja Abisai y'ëtsooy: Tyam njämyëët'atëty Wintsën.

Biblia Dc en Mixe de Quetzaltepec

⁶ Tä ja David myëtyäky mëët ja Ahimélec ja Hit ja'ay ets mëët ja Abisai näjyëtu'un, yë myaank yë Sarvia, yë myëkä'äx yë Joab, ets tyajtëëy: ¿Pën xyjyämyëët'ataanpës ets nëjkxmëty jam ma Saúl yajpaatyën? Tääts ja Abisai y'ëtsooy: Tyam njämyëët'atëty Wintsën.

1 Samuel 26:6 ပူးပေါင်းရင်းမြစ်များ

Génesis 10:15

Canaán, yë Sidón yë tyeety mëti'ipë ojts mëtu'uk t'u'unk'atyën ets Het.

Génesis 15:20

Näyjyëtu'un ma y'itën yë Hit ja'ayëty, Ferez ja'ayëty, Refa ja'ayëty,

Génesis 23:3

Ënät ja Abraham tsyo'ony ma ënäty jam ja Sara ja nyini'kx wyijtsnën ooky ets ojts nyijkxy ma ja Hit ja'ayëtyën mëti'ipë jam tsënaaytyëpën ma tampë ja it naaxwiinyëtën, tääts t'ënëmaay:

Génesis 26:34

Ko ënäty wëxtyikxy'ajnë ja Esaú ja jyëmëjt, ënät ojts pyiky mëët tu'uk ja kiixy mëti'ipë xyëëwajtypyën Judit, ja y'u'unk ja Hit ja'ay mëti'ipë xyëëwajtypyën Beerí. Ojts näjyëtu'un pyiky mëët ja kiixy ja mëti'ipë xyëëwajtypyën Basemat, jä'ä ja tyeety xyëëwajtyp Elón nän Hit ja'ay.

2 Samuel 11:21

jëtu'un ijxtëm ojts jam Tebés tëkok jyätyën, ko tu'uk ja to'oxytyëjk tka'atsë'ky ja paan u'unk ets ojts pyäätyë ja Abimélec, ja myaank ja Jerubaal? ¿E wi'ix ko miitsëty nëkooyë të mtimwyinkoonëtë? Tääts xy'ëtsowtëty: Tëë näjyëtu'un yë Urías y'ooky, mëti'ipë ja ënä'ämpë yajtsiptuunpë wintsën'ajtypyën.

2 Samuel 11:24

E jamts potsykyëjxm, jam ja ja'ayëty të tyëkëtë ti'pxpë ets të pyaatëtë mëti'ipë ëëtsajtëm nja'ay'ajtëmën ets të y'ooktë, nän tëë y'ooky ja Urías ja Hit ja'ay.

2 Samuel 11:6

Ënät ja David t'ënëmaay ja Joab ets tnikäxëty ja Urías mëti'ipë Hit ja'ayën wä'än tja'ty, Joab jëtu'un tjantytyuuny.

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.

2 Samuel 18:5

Ojts yë David, mëti'ipë ënä'ämpën, t'ënëëmë yë Joab, Abisai ets Itai ko mëk t'ixtëty ets ka'ap wi'ix tuntëty yë Absalón, ko jëtu'un yë David y'ënäny ojts yë ja'ay tmëtoowta'atë.

2 Samuel 2:13

E näjyëtu'un ja Joab, yë Sarvia myaank, tsyo'ony mëët ja tsyiptuunpëtëjk mëti'ipë myëtuuntëpën ja David; jam Hebrón tsyo'ontë ets ojts nyëjkxtë jam Gabaón, jam nyäpyëjktakëtë ma tu'uk yë nëëwookyën. Ënät ja tsiptuunpëtëjkëty poj'am nyänyi''ijxëtyë ets tsyiptuna'antë; tu'kpëky ojts wyi'imy awinmtsow ets tu'kpëky miin'aay.

2 Samuel 2:18

Jamts ënäty yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

2 Samuel 23:18

E yë Abisai, Joab yë y'uty, yë Sarvia myaank, yë'ë ojts tnikopk'aty ja ni i'px majkpë ja jotmëkja'aytyëjk. Tëkok ojts tyaj'ooky tëkëëk mëko'px ja myëtsip mëët ja kyu'umën. Jëtu'un ojts näjyëtu'un mëj'äämpy nyäxy ma ja ni i'px majkpë jotmëkja'aytyëjkëtyën,

2 Samuel 23:34

Elifélet, yë myaank yë Ahasbai ets myaank yë Maacá; Eliam, yë myaank yë Ahitófel, jampë tsyoonyën Guiló;

2 Samuel 23:39

ets ja Urías, ja Hit ja'ay. Jä'ä nyiwinë'ajtë ni''ipxmajkmokx mäjtsk.

1 Reyes 10:29

Tu'uk ja pujxnwintëkäämpë mëti'ipë tyuktsiptuuntëpën jä'ä ijty tsyowpaaty jap Egiptë tëtujk kilë ja kujkm ja poop pujxn, e ja kwaay jä'ä tsyowpaaty naxy tu'kkilë ja kujkm. Ja yajkutujkpë mëti'ipë jam ënä'ämpën ma Hit ja'ayëtyën ets ma siriëja'ayëtyën aakyë'ë ijty tyukmëto'ktëp winë ja Salomón ja y'ato'kpëtëjk.

2 Reyes 7:6

E tsyaats ojts tyunyë jyätyë, yë Wintsën ënäty kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Josue 3:10

Ya'atë jëtu'un yajtuk'ixëp ko yë Tios juukpyë tyaa yajpaaty mëët miitsëty, ma ënäty mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

1 Samuel 26:7

Jä'ä tsu'um yë David ets Abisai jyënajktë ets ojts nyëjkxtë jam ma ënäty ja Saúl mëët ja tsyiptuunpëtëjk yajpaatën. Yë Saúl mëkmaap ënäty ets kyu'umën ja'ayë ojts nyätyukukapëty, naaxkëjxy tkujptäky. E yë Abner mëët ja tsyiptuunpëtëjk tyätymyaatëp näjyëtu'un, Abner yajnako'knääpy.