1 Samuel 26:24 - Biblia Mixe de Quetzaltepec

²⁴ E jëtu'un tääjës tyam të nwinkutsë'ëkën ja jyuukyajtën ja mëj'ënä'ämpë, näjyëtu'unës njatsoky yë Wintsën xyajtso'okëtyës ja njuukyajtën ets xkyëwent'atëtyës ma ja kutsë'ëkëtuuypyën.

Biblia Dc en Mixe de Quetzaltepec

²⁴ E jëtu'un tääjës tyam të nwinkutsë'ëkën ja jyuukyajtën ja mëj'ënä'ämpë, näjyëtu'unës njatsoky yë Wintsën xyajtso'okëtyës ja njuukyajtën ets xkyëwent'atëtyës ma ja kutsë'ëkëtuuypyën.

1 Samuel 26:24 ပူးပေါင်းရင်းမြစ်များ

Mateo 5:7

Jotkujk yë ja'ay yajpaatë mëti'ipë pa'ëyoowtëpën, jä'ä ko Tios näjyëtu'un pya'ëyowa'anëtë.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

2 Tesalonicenses 3:2

Ja'amyätstë ja Tios etsës xy'akëëytyuk xy'axajtuktëty ma ja ëxëëkja'ayëtyën ets ma ja pokyjyä'äytyëjkëtyën, jä'ä ko ka'ap ni'ëmukë ja'ay myëpëktë.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Mateo 7:2

Jä'ä ko yë Tios näjyëtu'un yë mpoky mtukwinmëtowa'anëtë tä ja mmëku'uk ënäty ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Salmos 144:2

Yë'ë tu'uk oy myëku'uk, ma yë'ëjën jamës kuwa'anën npaaty, maas nkäktso'okyën, mëti'ipës mëët näkyuwa'anyën; yë'ëjës xynyikëëpy xynyixajp. Yë'ë tëkokyë të tpëjktä'äky yë naax kajpn maas yë ntekpya'tkën.

Salmos 54:7

Jä'ä ko mijtsës të xyjyuuty maas ënäty mon tuk nyajpaatyën ets tëës kë'ëm ntim'ixy koos yë nmëtsiptëjk ka'ap të myëta'aktë.

Salmos 18:48

Yë'ëjës xyaj'ëwaatsëpëtsëëmp oyës jënu'un yë nmëtsip xyjyatukjoot'anpëky, ets oy ja ja'ay käjpxy kumëtoownajxpë të xyjyanipëtë'ëktës. Mijts Wintsën, mijtsës xyajnitsokp ma ja'ayëtyën mëti'ipë ëxëëk tsyiptuna'antën.

Salmos 18:25

Mijts Wintsën oy winë xytyuny ma ja'ayën mëti'ipë oy winë tyuunpyën, ets tëyajtën winë xytyuny ma ja'ayën mëti'ipë tëyajtën winë tyuunpyën,

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Génesis 48:16

Yë Tios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

1 Samuel 18:30

E xëmë ko ja filistejë ja'ayëty ijty tsyoontë tsiptuunpë yë David ijty xëmë mëtakp tsipjotm, këtiinëm jëtu'un ja wiinkëtypë ja tsiptuunpë wintsënëty.

1 Samuel 24:16

Ko yë David kyajpxtaay, ënät yë Saúl mëk yujk'ënany: U'unk maay David, mijtstëm jëtu'un. Tääts tyëjkëy yaxpë,

2 Samuel 4:9

Tää ja David y'ëtsooy: Tyam miitsëty yajxon n'ënëëmëtëty ets Wintsënës yam ntukkajpxpejtyp mëti'ipës xëmë xyaj'ëwaatsëpëtsëëmpën koos nmony ntuky,

Salmos 34:20

Yë'ë këwent'ajtaayëp tëkokyë yë pyajk; nitu'uk kyatëja'any.