1 Samuel 26:13 - Biblia Mixe de Quetzaltepec

¹³ Tä ja David ojts nyijkxy, ojts ja joy'it tuknajxta'ay ets jamtsow ojts nyäxy, tääts jam kyuwa'këy tunkëjxm jëkäm. Ja David mëët ja Saúl këjää ënäty nyämyëjëkäm'atëtë.

Biblia Dc en Mixe de Quetzaltepec

¹³ Tä ja David ojts nyijkxy, ojts ja joy'it tuknajxta'ay ets jamtsow ojts nyäxy, tääts jam kyuwa'këy tunkëjxm jëkäm. Ja David mëët ja Saúl këjää ënety nyämyëjëkäm'atëtë.

1 Samuel 26:13 ပူးပေါင်းရင်းမြစ်များ

1 Samuel 24:8

E ja David ënätyë tpapëtsëëmy jap aankjoty ets tyaaxwinpijty: Wintsën, Wintsën. Saúl ënätyë y'ijxwinpijty ets ja David nyaaxkooy poj'am, tyajwinkëxë'ëky jëtu'un ja näywyinkutsë'kën.

Jueces 9:7

Ko yë Jotán tnija'awëy ko yë Abimélec tëë yajnikajpxpety yajkutujkpë, ënät ojts ënätyë nyijkxy ja Guerizim ma ja it naaxwiinyëtën mëti'ipë kopkjotmën, jamts ojts tyëkë mëk yaxpë jojkpë jëtu'un ijxtëm mëpaat ja ja'ay tmëtoowta'atën. Mëtoow'itë ya'atë aaw ayuk miitsëty mëku'uktëjkëty jënu'un yaa Siquem m'itën mtsëënëtën. Jëtu'unts yë Wintsën näjyëtu'un tmëtowëty.

1 Samuel 26:12

Tä ja David yi'iyë ojts tkäpy ja ku'umën ets ja nyëë'a'ukën ja Saúl jampë ënäty tyaj'ityën kyëpäjky ets ojts nyëjkxtë. Ni pën ojts kya'ixëtë ets kyamëtowëtë, ni pën ojts kyawijy ma ënäty jam të yajpaatën, jä'ä ko aak maatëp ënäty ja ja'ayëty; yë Wintsën yë'ë ojts kë'ëm t'ëwa'atsy ets ja ja'ayëty myaatëkooytya'atëty.

1 Samuel 26:14

Tä ja David jam yaxkeky ets ojts tmëkäjpxy ja Abner ets ja tsiptuunpëtëjkëty: Abner, mijts yam nmëkäjpxyp, ëtsoowkës. Tä ja Abner y'ëtsoy: ¿Tim pënmës mtimnyäjya'awënë ets nëkoo xymyëjya'ax xymyëjokëty ja mëj'ënä'ämpë?