1 Samuel 26:12 - Biblia Mixe de Quetzaltepec

¹² Tä ja David yi'iyë ojts tkäpy ja ku'umën ets ja nyëë'a'ukën ja Saúl jampë ënäty tyaj'ityën kyëpäjky ets ojts nyëjkxtë. Ni pën ojts kya'ixëtë ets kyamëtowëtë, ni pën ojts kyawijy ma ënäty jam të yajpaatën, jä'ä ko aak maatëp ënäty ja ja'ayëty; yë Wintsën yë'ë ojts kë'ëm t'ëwa'atsy ets ja ja'ayëty myaatëkooytya'atëty.

Biblia Dc en Mixe de Quetzaltepec

¹² Tä ja David yi'iyë ojts tkäpy ja ku'umën ets ja nyëë'a'ukën ja Saúl jampë ënety tyaj'ityën kyëpäjky ets ojts nyëjkxtë. Ni pën ojts kya'ixëtë ets kyamëtowëtë, ni pën ojts kyawijy ma ënety jam të yajpaatën, jä'ä ko aak maatëp ënety ja ja'ayëty; yë Wintsën yë'ë ojts kë'ëm t'ëwa'atsy ets ja ja'ayëty myaatëkooytya'atëty.

1 Samuel 26:12 ပူးပေါင်းရင်းမြစ်များ

Génesis 15:12

Ko ojts kyootsënë, ënät yë Abram yë mëk ma'ayë myajtsë. Ajotkumonë ojts t'ixy, ko yë kootsajtën të nya'ëwtijta'ayë. Ënät ojts mëk tsyë'ëkë.

Génesis 2:21

Ënät ja Wintsën tyajmaanajxy ja ye'etyëjk ets ojts tju'të ja kyätypyajk ets ojts nän je'eyëm jatëkok tyajtsokkojnë ja nyini'kx.

Ester 6:1

Jä'ä tsu'um, ja yajkutujkpë ka'ap myääy, paaty tni'ënä'ämëy ja noky ets tyajmintëty ma jap myinyën këxja'ay tëkokyë winë mëti'ipëjaty tuunëp jajtëpën ma ja naax kajpnën ets yajtukwinkukajpxëty.

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

1 Samuel 24:4

Tä ja David ja jyä'äy y'ënëmaayë: Tyam jëtu'un tniwä'äky ko ja Wintsën m'ënëmaayë ko ja mmëtsip nëjkxëp jëna'a tpëjktä'äky mteky'ix'am. Paaty tyam mijts ix tii mtunäämpy. Ënät ja David pyëti'ky ame'tsyë ets ojts wäänë tputsujkë ja Saúl ja nyijän, ni''ix a'ixë ojts tputsuky këtiipë y'ixëtëty.

1 Samuel 26:13

Tä ja David ojts nyijkxy, ojts ja joy'it tuknajxta'ay ets jamtsow ojts nyäxy, tääts jam kyuwa'këy tunkëjxm jëkäm. Ja David mëët ja Saúl këjää ënäty nyämyëjëkäm'atëtë.

1 Samuel 26:7

Jä'ä tsu'um yë David ets Abisai jyënajktë ets ojts nyëjkxtë jam ma ënäty ja Saúl mëët ja tsyiptuunpëtëjk yajpaatën. Yë Saúl mëkmaap ënäty ets kyu'umën ja'ayë ojts nyätyukukapëty, naaxkëjxy tkujptäky. E yë Abner mëët ja tsyiptuunpëtëjk tyätymyaatëp näjyëtu'un, Abner yajnako'knääpy.