1 Samuel 26:10 - Biblia Mixe de Quetzaltepec

¹⁰ Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënäty ja o'kën tyukja'tyë, ëkë ko ënäty jam y'ooky tyëkoy tsipjotm.

Biblia Dc en Mixe de Quetzaltepec

¹⁰ Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.

1 Samuel 26:10 ပူးပေါင်းရင်းမြစ်များ

Génesis 47:29

Tëkok ojts yë Israel nyäjya'awënë ko tsojk y'ookanë. Ënät ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

Job 14:14

Ko tu'uk yë ja'ay y'ooky, ¿wä'än jëtää jatëkok jyuuky'ajtwinpityë? ko jeexyë y'ëkjëtu'unëty, n'ëwxijtypyës jeexyë mapaat xytyukka'ayës tsyo'okëty ja mpëjkënës n'ijxënës.

Job 14:5

Pën mijts myajkutujkpy jënu'un yë ja'ay xyajjuuky'ata'any ets tëë xypyëjktä'äky tu'uk yë tsëpa'an mëti'ipë ka'ap tniwa'knaxëtyën,

Job 7:1

Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Salmos 37:10

Tyimpatyp yë xëëw jëmëjt ma ëxëëkja'aytyëjk ka'ap maa y'ëkyajpatnëtëty; oy jënu'un pën tja'ixta'ajëty ka'ap nëjkx maa y'ëkyajpatnëtë.

Salmos 37:13

E yë Wintsën je'eyë tukxi'iky, jä'ä ko nyija'ap ko yë ëxëëkja'aytyëjk miimp wiinkoontëp yë xyëëw pyo'ojëty jëna'a ëxëëk jyata'antën.

Salmos 94:23

Yë Wintsën yë'ë nëjkx jëna'a tyajkutuky ets ëxëëkja'aytyëjk yi'iyë yë y'ëxëëktu'un y'ëxëëk kajpxën yajkutëkoyëtëty. Yë nTios'ajtëm nëjkx kë'ëm yajkutëkoyëtë.

Eclesiastés 3:2

Nyixëëw nyijëmëjt pyätyp ko pën myëxu'unk'aty ets ko pën y'ooky. Ko pën kyojy mye'kxy ets ko pën wyixy nyuky ma ja mëti'ipë të yajkojy të yajpenyën.

Lucas 18:7

E yë'ë ënät ja Tios, ¿këtii jëtää tnipaye'eyëty ja jyä'äy mëti'ipë të twin'ixyën, mëti'ipë xëëny koots ja'amyäjtsëpën? ¿Wä'än jëtää jeky tyaj'ëwxitëtyë?

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Tios yë'ë tukupätëtëp; jä'ä ko jëtu'un ja Tios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

Deuteronomio 31:14

Ënät yë Wintsën t'ënëmaay yë Moisés: Ëk'ix wäänë jyaak itëty ets m'o'knëty, paatykyëjxm, mëkajpx yë Josué tääts jam nimäjtsk mnëjkxtëty ma ja wit tëjkën ma näpyaatë y'ityën ets ntuk'ëwaanëtëty tii mtuntëpën. Ënät yë Moisés ojts tmëkäjpxy yë Josué ets ojts nimäjtsk nyëjkxtë ma ja wit tëjkën ma näpyaatë y'ityën mëët yë Tios.

Deuteronomio 32:35

Jääjës yë ntuknipëjktaakë nyajpëtsëma'any, koos ënäty ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënäty o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

Hebreos 10:30

Nnija'awëm ëëtsajtëm ko Tios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

1 Samuel 24:12

Yë Wintsën yë'ë kyëwentëpëkëp pën pokymyëët ma ëëtsajtëmën nimäjtsk ets tnitsiptunëty yë yajkutujkpë, e ëjts nijëna'ajës yë yajkutujkpë maa nkamëtëkoyëty.

1 Samuel 24:15

Paaty tyam wä'än yë Tios yë'ë tkëwentëpëky pën pokymyëët ma ëëtsajtëmën nimäjtsk. Wä'än yë'ë kë'ëm xykyuwa'anyës ets wä'än yë'ë kë'ëm tpaye'ey pën tiijës të ntuuntëkoy, mëët koos yë yajkutujkpë xy'ixjëtity xypyajëtity.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 25:38

Kom majk xëëw tääts jatëkok ojts ja pa'am myätsyë ets y'o'ky.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Tios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënäty näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

1 Samuel 31:6

Jëtu'un ojts y'o'knëtë jä'ä xëëw ja Saúl mëët nitëkëëk ja myaank ets tu'uk ja tyuunpë, ets tëkokyë ja jyä'äy.