1 Samuel 25:38 - Biblia Mixe de Quetzaltepec

³⁸ Kom majk xëëw tääts jatëkok ojts ja pa'am myätsyë ets y'o'ky.

Biblia Dc en Mixe de Quetzaltepec

³⁸ Kom majk xëëw tääts jatëkok ojts ja pa'am myätsyë ets y'o'ky.

1 Samuel 25:38 ပူးပေါင်းရင်းမြစ်များ

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënäty ja o'kën tyukja'tyë, ëkë ko ënäty jam y'ooky tyëkoy tsipjotm.

Hechos 12:23

Ënät ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Tios. Ënät tyënë'këy ets y'o'ky.

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënäty kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

2 Reyes 19:35

Jä'ä tsu'um ja Wintsën ja kyukäjpxy ojts tyaj'o'kta'ay ja Asiria ja'ayëty ma ënäty jam jyajta'aktën, mëko'px ja tëkë'px mëkoxk mil ja Asiria tsyiptuunpëja'ayëty y'o'ktë, komjëpom may o'kpë ojts kyuxëënyë.

2 Reyes 15:5

Yë Wintsën ko jëtu'un t'ijxy, ojts ja yajkutujkpë tëytyuny mëët tu'uk yë pu'uts pa'am mëti'ipë ja'ay tyijtëpën lepra, yë'ë ënäty pëjkëp ko ojts y'o'knë, jam jëkäm jyaak jyuuky'äjty, myëjëkäm'ajtyp ja kyutujkëntëjk, wiink ja'ay ojts ja tuunk tjaak yajtu'uye'ey mëti'ipë yë'ë ja patëpën; ja myaank Jotam jä'ä jaakkutëjkëyë ets ojts yë'ë yajkutuky ma ja naax kajpnën.

2 Samuel 6:7

E ja Wintsën wiink ojts t'ixy, paaty tukjoot'anpëjky ja Uza mëët ko ënäty të tmajtswë'ëmpë ja kaaxë ets jämyë y'o'këtäky winkon ma ja kaaxën.

1 Samuel 25:33

ets näjyëtu'un kënu'kxy mijts m'itëty, mëët ko ja wijyajtën kujk'ajtën xymyëët'aty, yë'ëkyëjxm ka'ap tyam ja ne'pny të ntemy të nje'etsyës mëët ja nkë'ë n'aawës ets jëtu'un ka'ap ja näpyaye'eyë kë'ëm të ntunyës.

1 Samuel 6:9

Je'eyëp tëy ko yajxon xytyim'ixtëty pën jamtsow nyijkxy Bet-semes ma të tsyoonyën ma tnaax'aty tkajpn'atyën. Yë'ë yajtujknijawëp ko janty Tios ënäty o'ktëy xyajjajt xyajkëpäjtëm mëti'ipë y'ëwtajtëpën yë Israel ja'ayëty. E pën kajts jamtsow nyijkxy jää näjyëtu'un ntuknija'awëmëty ko ka'ap yë'ëjëty, tim pa'amën ënäty jëtu'un të tyimmiimpë.

Éxodo 12:29

Kujktsyu'um ënäty, ko ja Tios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënäty kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënäty jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë.

1 Samuel 25:37

Komjëpom ma ënäty të wyijnën ja Nabal, tä ojts ja Abigail tukmëmëtyä'äky ja nyiye'etyëjk mëti'ipë ënäty të tyuny të jyätyën. Ko jëtu'un ja Nabal tmëtooy, jëtu'unyë ojts kyumuuk'ëwtityë ets kujkwä'kxy tyimxujxtaay ja nyini'kx.

2 Crónicas 13:20

Jeroboam ka'ap myääyë tyaj'ixta'akëty jatëkok ja kyutujktakn mapaat jyuuky'äjtyën ja Abiam. Ok ojts yë Wintsën kë'ëm ja yuu pa'am tyukpaatyë ets y'o'ky.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Salmos 73:19

Tsojkyë nëjkx kyutëkoytyë. Yë tsë'ëkë yë'ë nëjkx yajkëxëtë.