1 Samuel 25:36 - Biblia Mixe de Quetzaltepec

³⁶ Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

Biblia Dc en Mixe de Quetzaltepec

³⁶ Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënety jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

1 Samuel 25:36 ပူးပေါင်းရင်းမြစ်များ

Proverbios 20:1

Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

2 Samuel 13:23

Kommäjtsk jëmëjt, jam ënäty yë Absalón yë jyä'äy tyuntë Baal-azor, yë'ë yë tsyajppax jam nyika'ptutëp ets pixyny tyajënaktë, jam wyi'imy winkon ma Efraín yë y'itjotmën. Ënät ojts yë Absalón tu'uk yë ka'ayën ukën tnipëjktaakë ma twoowtaayën tëkokyë ja yajkutujkpë, David ja y'u'unk y'ëna'k.

1 Samuel 25:19

ets ja tyuunpë t'ënëmaay: Oy miitsëty mjaamë'ëktëty, ëjts ix'okës nëjkxa'any. Ja nyiye'etyëjk ka'ap ja tuk'ëwa'anëy ko tsyona'any.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Lucas 14:12

Tääts ja Jesús t'ënëmaay näjyëtu'un ja ja'ay mëti'ipë ënäty kääpyë të wyoyën: Ko pën xyajkaya'anëty, ka'ap yë'ë xywowëty mëti'ipë mëët mnämyäyën, ni ja mmëku'uktëjk, ni kumeenyjyä'äytyëjk mëti'ipë mmëjëën'ajtyp mmëtëjk'ajtypyën; jä'ä ko pën yë'ë mwoopy, nëjkxëp näjyëtu'un mwoyë kääpyë ets yë'ë xykyuma'ayën'atëty.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Jeremias 51:57

Yë Yajkutujkpë, yë Wintsën mëti'ipë maaytyääyëpën winë, jëtu'un y'ënä'äny: Nyajmukpëkäämpyës yë wintsëntëjkëty mëti'ipë jam Babilonyë yajpatëpën, näjyëtu'un yë wyintsëntëjkëty, y'ënä'ämpëtëjkëty ets tsyiptuunpëtëjkëty; jëtu'un jyajta'aja'antë tä jeexyë myaanaxtën ets ka'ap y'ëkwijnëtëty.

Isaías 28:3

Mëët ja tyeky tä'änëtita'any, mëti'ipë ënäty amëj akëjxm yajpatpën, ma Efraín kajpnën mëti'ipë xëmë amu'ukyë yajpatpën.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Eclesiastés 10:19

Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Salmos 112:5

Ja ja'ay mëti'ipë oyjyä'äyën tyuk'ënu'kxyp ja jyiiky myëku'uk ja wit meeny ets mëtëy tyooky yäky

1 Reyes 20:16

Kujkxyëëw ojts tsyoontë, tam ënäty ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënäty jam të tkojtën,

1 Samuel 25:37

Komjëpom ma ënäty të wyijnën ja Nabal, tä ojts ja Abigail tukmëmëtyä'äky ja nyiye'etyëjk mëti'ipë ënäty të tyuny të jyätyën. Ko jëtu'un ja Nabal tmëtooy, jëtu'unyë ojts kyumuuk'ëwtityë ets kujkwä'kxy tyimxujxtaay ja nyini'kx.

2 Samuel 3:20

Tääts tsyo'ony mëët ja jyä'äy ni''i'px nyëjkxtë jam Hebrón, ma ënäty ja David yajpaatyën; ko jam jyajtë tä ja David ojts tni'ënä'ämë ets ja ja'ayëty ja kääky uuky tnipëjktaakëtëty ets kyäytyëty y'uuktëty ja Abner mëët ja jyä'äy.