1 Samuel 25:3 - Biblia Mixe de Quetzaltepec

³ Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënäty jyä'äy'ajtpë tëtä'äky ets wijy ets oy tsuj y'ixëty.

Biblia Dc en Mixe de Quetzaltepec

³ Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënety jyä'äy'ajtpë tëtä'äky ets wijy ets oy tsuj y'ixëty.

1 Samuel 25:3 ပူးပေါင်းရင်းမြစ်များ

Proverbios 14:1

Yë to'oxytyëjk wijypyë kyojpy yë tyëjk; yë to'oxytyëjk tsuupë kë'ëm tyajma'aty yë jyëën tyëjk.

Proverbios 31:10

Yë to'oxytyëjk mëti'ipë winë janty'oy janty tsuj tyuunpyën, tsip yajpaaty. Ni'ik yë tsyowpaaty, këtiinëm oytyiijëty mëti'ipë tsowën.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Tios.

Proverbios 31:26

Niwijy winë tkäjpxy tmëtyä'äky, ets jä'ä yaj'ixpëky mëët tu'uk ja tsojkën ja'awën.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.

1 Samuel 30:14

Jamës ënäty ojts të nmäätstë apa'tkë'ëmtsow ma Queret ja'ay tnitänëtën ets Judá ja'ayëty ets Caleb ja'ayëty, tëëjës näjyëtu'un nino'oktë yë Siclag kajpn.

Josue 15:13

Josué ojts tmo'oy yë Caleb, yë Jefuné myaank wäänë yë naax mëti'ipë Judá ja'ay jyä'ä'ajtëpën, jä'ä pyatuun ja aaw ayuk mëti'ipë ja Wintsën ënäty të tni'ënä'ämën, yë'ë ojts tmo'oy ja Quiriat-arbá, mëti'ipë yajtijpën Hebrón, ma ijty tsyëënëtën tëëyëp ja Anac pajkyeny ja y'u'unk y'ok.

1 Samuel 25:4

Ko ja David tnija'awëy ma ënäty jam yajpaatyën të'ëts'itjotm, ko ja Nabal jam të nyijkxy Carmel ets tnikääpa'any ja kyupixyny ets ma jam näjyëtu'un tyook yäkyën. Majk ja David tkejxy ja jyä'äy ets ja kajpxpo'kxën tmo'otëty ja Nabal.

Génesis 12:11

Ko jap Egiptë jyä'äjty, ënät ja Abram ja tyo'oxytyëjk Sarai t'ënëmaay: Ëk'ix, ëjts wa'atsës nijawë ko mijts m'oyëty mtsujëty.

1 Samuel 25:25

Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënäty jam ko ja mtuunpë jam jya'ojtstë.

Proverbios 19:14

Yë taak teety yë'ë yajktëp ja jëën tëjk ets wit meeny, e Tios yë'ë yäjkpy kutëjk wijypyë.

Proverbios 30:22

yë mëtuunpë mëti'ipë yajkutujkpën, ets tsuuja'ay mëti'ipë ka'ap yë kyä'äyën y'ukën tyaj'ëmaaytyä'äkyën,