1 Samuel 25:29 - Biblia Mixe de Quetzaltepec

²⁹ Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënäty kë'ëm Tios tyimkëwen'ajtyp. E yë'ë ënät ja mëtsip jëtu'unyë nëjkx ja Tios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

Biblia Dc en Mixe de Quetzaltepec

²⁹ Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënety kë'ëm Dios tyimkëwen'ajtyp. E yë'ë ënät ja mëtsip jëtu'unyë nëjkx ja Dios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

1 Samuel 25:29 ပူးပေါင်းရင်းမြစ်များ

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Jeremias 10:18

Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Salmos 116:15

Yë Wintsën mëk tjawë ko t'ixy y'ooktë yë ja'ay mëti'ipë tsojkëpën.

1 Pedro 1:5

Jä'ä ko xymyëpëktë ja Tios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënäty ja naaxwiinyëtë kyixy.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Salmos 66:9

Jä'ä ko yë'ë xyaj'ijtëmë juuky ets ka'ap nijëna'a të xy'ëxmajtsëmë ets ëxëëk njajtmëty nkëpäjtmëty.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënäty myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënäty amëj akëjxm jyä'äy'atën.

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Juan 14:19

Tim jawäänë jëtu'un, ets ka'ap nëjkx xy'ëk'ijxnëtës mëti'ipë yi'iyë naaxwiinypë myëmaay myëtajtëpën; e miitsëty nëjkxëpës xy'ixtë ets mjuuky'attëty jä'ä koos juuky'ajtpës.

2 Samuel 4:8

ets tkë'ë moja'antë ja David, ma ënäty jam yajpaatyën Hebrón. Ko jam jyajtë tääts t'ënëmaaytyë: Yajkutujkpë, tyaa ëëts nmintë, yë'ëjës nmëmiintëp yë Is-boset yë kyëpajk, yë Saúl yë myaank, ja mëti'ipë ijty mëtsip'ajtëpën ets xëmë m'ixjëtity mpajëtityë. E jä'ä ko wa'ats yajnijawë ko yë Wintsën yë'ë winë tyuuntääpy, ix ojts y'ooky ja Saúl, e tyam näjyëtu'un ja y'u'unk y'ëna'k.

Salmos 54:3

yë ja'ayëty mëti'ipë je'eyë tsiptunantëpën ets ëxëëkpë jyä'äy'atën, ëxëëkës xyjyänty'ixtë ets xytyimyaj'ookantëpës; ka'ap yë Tios tja'amyätstë.

Job 27:22

yajxon nëjkx mëk tyukja'tyë ets ka'ap pën pya'ëyowëtëty, oy jënu'un jyakä'äkëty.