1 Samuel 25:1 - Biblia Mixe de Quetzaltepec

¹ Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

Biblia Dc en Mixe de Quetzaltepec

¹ Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

1 Samuel 25:1 ပူးပေါင်းရင်းမြစ်များ

1 Samuel 28:3

Tääpë jëmëjt ja Samuel tëë ënäty y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

Deuteronomio 34:8

Yë Israel ja'ayëty tu'kpo'o tnijëëy tniyaxtë yë Moisés ko y'oky jam Moab, i'px majk xëëw y'ijtë mon tuk, jä'ä ko jëtu'un ënäty myontë tyuktë ko pën y'ooky.

Números 20:29

Ko ja Israel ja'ayëty t'ijxtë ko ka'ap maa ja Aarón y'ëkkëxë'knë. Ënät ojts tnijawëtë ko tëë ënäty nya'o'knë ets jä'ä tniyaxtë i'px majk xëëw.

2 Crónicas 33:20

Ko y'o'ky jap tyajnaaxtëjkëtyë tëja'p ma ja kyutujktaknën, ma ijty tyaj'ityën pëjykyam. Tääts kyutëjkëyë ja myaank Amón ma kutujktaknën.

Hechos 8:2

Tam jënaakën mëti'ipë ja Tios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Números 10:12

Tä ja Israel ja'ayëty tsyo'ontaaytyë ma ja të'ëts'it txëëwatyën Sinaí. Ja yoots jam ojts tyiiy'awë ma ja Parán të'ëts'itën.

1 Reyes 2:34

Jëtu'un'äämpy ja Benaías ojts tnitso'onë ja Joab ets tyaj'o'ky. Jam ja Joab nyaaxtëjkëy ma tyëjkën, jam të'ëts'itjotm.

Números 13:3

Jëtu'un tä ënäty ja Tios të y'ënä'änyën, Moisés ojts tjanty kyexy ja ja'ayëty, jam tsyo'ontë Parán. Tëkokyë mëti'ipë ojts nyëjkxtën aak mëj'äämpy ets kutujkënmëët ënäty y'itë ma ja jyä'äyëtyën.

Isaías 14:18

Tëkokyë ja yajkutujkpë aak jotkujk yaj'ixtë pyo'kxtë pyëktë ma y'o'kpëjutëtyën;

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

Números 13:26

jam Cadés ma ja të'ëts'it të'ëtsjotmën ma ja Moisés ënäty yajpaatyën, ja Aarón ets tëkokyë ja Israel ja'ayëty. Jam tukmëmëtyaktaaytyë, wi'ix ënäty ojts të t'ixtën. Ets tuk'ijxtë ja aaytsya'am ujts tsa'am, mëti'ipë jam myëtso'ontën ma ënäty ojts të jyëtitën.

Números 12:16

Ko ja Maria ojts tyajkä'pxy wëxtujk xëëw ma mëpaat ka'ap yajpaatyën kajpnjoty. Ënät jatëkok wyimpijty ets jyä'äjty jam kajpnjotm. Je'eyë jyä'äjty tääts ja naax kajpn nyäpyatso'onë ets jam jyajtë ma ja Parán të'ëts'itjotmën.

Génesis 50:11

Yë Canaán ja'ayëty mëti'ipë ënäty jam tsënaaytyëpën ko jëtu'un t'ijxtë, ënät ojts y'ëna'antë: Ijxtëm yë Egiptë ja'ayëty yë y'o'kpëty t'ëkyajnaaxtëjkënyëtë, janty nimay t'ëktukmujk t'ëktukxu'umnëtë y'o'kpëty. Paaty ojts ja tampë ja it naaxwiinyëtë tyajxëëwpätë Abel-mizraim mëti'ipë jam yajpatpën awinmtsow ma ja Jordán mëjnëëjën.

Génesis 14:6

e ja Hor ja'ayëty jam ojts yajmëmëta'aktë ma ja kopkjot txëëwatyën Seir ets ojts yajpapo'otë jampaat ma ja joyjotm txëëwatyën Parán, winkon wyë'ëmnë mëët ja të'ëts'itjotm.

2 Reyes 21:18

Ko y'o'ky, jam tyajnaaxtëjkëtyë ma ja pëjykyamën, jampë yajpaatyën ma ja akujktëjk tëja'awën, mëti'ipë tyijtëpën ja pëjykyam Uza. Ko y'o'ky yë'ë ojts kyutëkëty ja myaank Amón, ma ja kutujktaknën.

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënäty të tpëjktsoy.

Zacarías 1:5

E tyam, ¿maa ënät ja m'ap m'okëty? ¿wä'än jëtää yë käjpxynyajxpëtëjk xëmë jyuuky'atë?