1 Samuel 24:11 - Biblia Mixe de Quetzaltepec

¹¹ Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

Biblia Dc en Mixe de Quetzaltepec

¹¹ Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

1 Samuel 24:11 ပူးပေါင်းရင်းမြစ်များ

1 Samuel 26:20

Ëjts ka'apës njatsoky etsës ja njot ne'pny jëkäm yajtäm yajjä'ätsëty ma ja Wintsën ka'ap tnijawëtyën. E yë mëj'ënä'ämpë ooky timy ixa'any ya'atë pixk, jëtu'unës xy'ixjëtity xypyajëtity tä jeexyë tii të tyajtëkoyën.

1 Samuel 23:23

Yajxon ixtë tuntë maajëty yë kyuyu'tstakn tmëët'atyën ets maajaty tmëët'atyën yë tyëjkëtyakn. Jëtu'untsës yajxon xytyuk'ëwaanëtëty ets mpanëjkxtëty. E pën janty jamtsën yajpaaty, kë'ëmës yam nëjkx n'ixta'ay piiwnaxy tajnaxy ma Judá jyä'äyën.

1 Samuel 23:14

Jëtu'un'äämpy ojts yë David jam wyi'imy tsënääpyë të'ëts'itjotm ma yajtijyën Zif ja itjotm mëti'ipë napotsyën. Ja Saúl oy ënäty winjëpom jya'ixta'ayë ka'ap nijëna'a pyätë. Jä'ä ko ja David mëk ënäty ja Tios kyëwent'atyë.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

1 Samuel 26:18

E yë'ëtsës tyam nyajtëëpy ¿wi'ix ko yë mëj'ënä'ämpë xy'ixëtity xypyajëtityës? ¿Tiijës të ntuuntëkoy? ¿Maajës ja npoky mëti'ipës nkujajtëpën?

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Tios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Ezequiel 13:18

ets xy'ënëëmëty: Jëtu'un yë Wintsën y'ënä'äny: Janty mon janty tuk miitsëty myajpaatë ko ja'ay xytsyuu'ixtë; ko mxuuytyëp yë kë'ëjän ets m'ëna'antë ko myëët'ajtyp yë mëj'ajtën ets ja'ay yë'ë nyätyukë'ëjänëtëty ets näjyëtu'un xyuytyë yë mots ets m'ëna'antë ko myëët'ajtyp yë mëj'ajtën ets to'oxytyëjkëty yë'ë nyätyukuyä'äpëtëty. ¿Jëtu'un jëtää maytyë mtajtë? ko mayëtëp ets xy'ëtuktëty yë o'kën ëkë juukyajtën jëtu'un tä mjot mwinma'anyëtyën, maas yë nnaax nkajpnën.

Lamentaciones 4:18

Aak y'ijx'ijtëp maajaty najxëmën; ka'ap tjëkyepy wi'ix muum nëjkxmëtyën. Tyim paatyp ja xëëw ma n'o'ktä'ämyëtyën, tëë jëtu'un, o'ktä'ämyëp ënät.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Salmos 140:11

Wä'än t'atëkoytyë yaa naaxwiiny ja ja'ayëty mëti'ipë je'eyë ëxëëk kajpxtëpën. Wä'än yë ëyo'on jotmay tpajëtitëtë ets yajkutëkoyëtë.

Salmos 35:7

Ajotkumonë yë n'o'ktaknës të tnipëjktaakëtë, ets ka'apës tii poky ntuny, tëë jut tajtë maas nkuka'anaxëtyën.

Job 10:16

Koos ëjts njajoot'anpëka'any, jëtu'unës xynyipëtë'ëky kaajën ets yë'ëpaat yë mmëjajtën xyaj'ixyë koos xyajkutëkoyä'äny.

1 Samuel 18:27

Ko ja David tsyo'ony mëët ja tsyiptuunpëtëjk, jä'ä ojts tyaj'ooky nimäjtsk mëko'px ja filistejë ja'ayëty, tä ojts tnëtsujktaayë ja ye'etyëjk'ajtënëty. Jëtu'un'äämpy ja Saúl ojts tyajknë ja nyëëx mëti'ipë xyëëwajtypyën Mical ets tmooynyë ja David ets to'oxytyëjk'atëty.

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.

Salmos 59:3

jä'ä ko tää ja'ay jotmëkëtypë ka'apë tsyë'ëkëtën, mëti'ipë y'ëwxijtëpën jëna'ajës xy'ëkyaj'ooktë.

Salmos 119:161

Yë ja'ayëty mëti'ipë ënä'ämtëpën yajkutujktëpën, yë'ëjës xy'ixjëtijt xypyajëtijtëp nanëkoo, ëjts ka'apës ma tii ntuuntëkoy; yë njot nwinma'anyës yë'ë wyinkutsë'këp yë m'aaw m'ayuk.

1 Samuel 12:3

E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Tios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.

1 Samuel 26:23

Ets Wintsën yë'ë kë'ëm y'ixëp pën oy në'ëye'eyp tu'uye'epy ets pën mëtëy winë tyuunpy. Yë Wintsën tëë tyam tjapëjktä'äky ëjts nkë'ëjotmës ja mëj'ënä'ämpë etsës jeexyë të nyaj'ooky të nyajtëkoy, ëjts ka'apës ja ëxëëk winma'any jëtu'un të npaaty, etsës nyaj'ook nyajtëkoyëty ja mëj'ënä'ämpë mëti'ipë ja Wintsën kë'ëm të twin'ixyën.

2 Samuel 1:14

¿E wi'ixtsën ko mijts të xy'ëknixajë'kpë ja ja'ay mëti'ipës mëj ënä'ämpë'ajtëpën mëti'ipë ja Tios kë'ëm win'ijxën? Jëtu'un ja David mëk y'ënäny.

Salmos 7:5

Pën tëës ja jëtu'unpë ntuny nkäjpxy, jyëkyejpy ja nmëtsipës xy'ixjëtit xypyajëtitëty; xynyajtspaatëtyës etsës xywyitsëty xyjyëtutëty, etsës xypyëjkëtya'ajëty mëti'ipës ënäty mëj'äämpy të xyaj'ityën.