1 Samuel 23:17 - Biblia Mixe de Quetzaltepec

¹⁷ Tä t'ënëmaay: Ninu'un mkatsë'ëkëty David, jä'ä ko yë nteetyës ka'ap nijëna'a mpaatëtëty. Mijts kopkpëky ko jëna'a myajkutujkpë'atëty ma Israel kajpnën. Ëjts naxymyës nëjkx n'ity ma mkutujktaknën. Yë nteetyës, Saúl, wa'ats yë tyäty nyijawë ko jëtu'un jyata'any kyëpäta'any.

Biblia Dc en Mixe de Quetzaltepec

¹⁷ Tä t'ënëmaay: Ninu'un mkatsë'ëkëty David, jä'ä ko yë nteetyës ka'ap nijëna'a mpaatëtëty. Mijts kopkpëky ko jëna'a myajkutujkpë'atëty ma Israel kajpnën. Ëjts naxymyës nëjkx n'ity ma mkutujktaknën. Yë nteetyës, Saúl, wa'ats yë tyäty nyijawë ko jëtu'un jyata'any kyëpäta'any.

1 Samuel 23:17 ပူးပေါင်းရင်းမြစ်များ

1 Samuel 20:31

Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

1 Samuel 24:20

Tyamës yajxon nijawë ko mijts jëtu'un nëjkx jëna'a myajkutujkpë'aty ets Israel yë nyaax kyajpn nëjkxëp jëna'a yeeky pyety.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Hechos 28:16

Kootsës nja'ajtë Roma, ets ja Pablo yajmooy ja kutujkën ets ja jyajtakn ëpëky t'ixta'ajëty ets je'eyë tu'uk ja tsiptuunpë kyëwent'atëtëty.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënäty mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Romanos 15:24

njëjp'ijxypës ko jääjës jam nnëjkxëty koos ënäty nnëjkxy España. Ko ënäty miits wäänë mëët të n'it të nxontë, xypyutëkëtëpës etsës nja'tëty maas ntijyën.

Hechos 5:39

e pën Tios yë jyä'ä yajtuunëtëp, nijëna'a miits xykyayajkutëkoytyëty. Näkyëwent'atëtë, ka'ap mëpaat mtsiptuntë mëët ja Tios.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Proverbios 14:26

Ko yë Tios nmëjpëjktakmëty, yäjkpy yë akujk'ajt jotkujk'ajtën, näjyëtu'un ma u'unk ëna'kën.

1 Samuel 24:4

Tä ja David ja jyä'äy y'ënëmaayë: Tyam jëtu'un tniwä'äky ko ja Wintsën m'ënëmaayë ko ja mmëtsip nëjkxëp jëna'a tpëjktä'äky mteky'ix'am. Paaty tyam mijts ix tii mtunäämpy. Ënät ja David pyëti'ky ame'tsyë ets ojts wäänë tputsujkë ja Saúl ja nyijän, ni''ix a'ixë ojts tputsuky këtiipë y'ixëtëty.

1 Samuel 24:19

Tëë yajnijawë ko yë ja'ay yë myëtsip tpaaty ka'ap oy mëk tyajwinpity. Paaty yam n'ënëëmë ets Wintsën yë'ë mkuju'uyxyëtëty mëti'ipë tyam të xytyunyën mëët ëjts.

Salmos 118:6

Yë Wintsën yë'ëjës xymyëët'ajtp, paatyës ka'ap ntsë'ëkë njawë. ¿Wi'ixës yë naaxwiinyëtë ja'ay xynyatunëty?

1 Samuel 22:23

E këtiits mtsë'ëkë mjawë wë'ëm yaa mëët ëjts, jä'ä ko pën myaj'ookanëp, näjyëtu'unës xyaj'ooka'any. E ko yaa myajpaatëty mëët ëjts jotkujk m'itëty ets ka'ap tii mjatëtëty.

1 Samuel 24:21

E tyam nikäjpxy ënät mëët yë Tios xyëëwkëjxn ko ka'ap nëjkx ëxëëk xytyuny xy'ënëëmë ëjts yë n'u'unk n'okës ets ka'apës yë nxëëw nëjkx xyaj'atëkooyë maas yë njëëky nmëku'ukën, maas yë njëën ntëjkën.

1 Samuel 25:30

Paaty ko ënäty jyänty y'atëy tä ja Wintsën të t'akäjpxyën ko mijts winë xytyuna'any ma Israel kajpnën ets ënäty të mnajxnë ënä'ämpë ma ja Israel kajpnën.

Isaías 35:3

Yajjotmëkpëktë ja pa'amja'ay, mëjaawmo'otë ja tëëpë y'ënu'kxëtën,

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.