1 Samuel 23:16 - Biblia Mixe de Quetzaltepec

¹⁶ Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Tios.

Biblia Dc en Mixe de Quetzaltepec

¹⁶ Tu'kxëëw tu'kjëmëjt ojts ja Jonatán tninëjkxy ja David jam Horés ets tjotmëkmo'oja'any ets yë'ë tu'ukyë tuk'ijxpätëty yë Dios.

1 Samuel 23:16 ပူးပေါင်းရင်းမြစ်များ

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Tios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Lucas 22:32

je'eyëp ko tëëjës ja Tios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

1 Samuel 30:6

David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënäty jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.

Lucas 22:43

Jää ja tsajpjotmëtë kukäjpxy tu'uk nyimiinë mëti'ipë tsajpjotm tso'onpën ets jyotmëkmooyë.

Nehemías 2:18

Koos ntukmëmëtyaktaaytyë wi'ix ënäty ja Wintsën mëj këjää të xypyutëkësën ets wi'ix ënäty ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

Proverbios 27:9

Yë jot winma'any yë'ë mëët jyotkujkë oyëtypë tsooy mëti'ipë pa'akxu'kpën; Näyjyëtu'un ja oypyë ja ëëwwij kajpxwijën yajjotkujktäkpy ja jëëky mëku'uk.

Proverbios 27:17

Yë juunpujxn jam yajme'ey ma juunpujxnën, ko ja'ay y'oyëja'anëty, myënaaxwiinyëtë ja'ay yaj'oyëtëp.

Deuteronomio 3:28

Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.

Job 16:5

oypyë aaw ayuk mëti'ipë yajjotkujkëpën, mëti'ipë oy yajmëtoopën ets jeexyë njotmëkmo'otë ets jeexyë nyajjotkujkëtë.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënäty ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

1 Samuel 23:15

E oy jyajëtu'unëty ja David tsyë'këp ja Saúl, jä'ä ko tim yaj'ookanëp ko nyitsoonyë. Paatykyëjxm ojts jam tsyënaawyi'imy ma ja Horés kajpnën. Jam të'ëts'itjotm ma yajtijyën Zif.