1 Samuel 22:17 - Biblia Mixe de Quetzaltepec

¹⁷ Ënät ja yajkutujkpë t'ënëmaay ja tsiptuunpë mëti'ipë këwent'ajtëpën: Yaj'o'kta'atë tëkokyë yë teetytyëjkëty mëti'ipë yë Tios myëtuuntëpën. Jä'ä ko yë'ëjëty, David pyutëjkëtyëp, wa'ats nijawëtë ko yë'ë käk pujtp, e yë'ëjëty ka'ap xytyuk'ëwaanëtës. E ja tsiptuunpëty mëti'ipë ja yajkutujkpë kyëwent'ajtëpën ka'ap tnixajjë'ktë nëkoo ja teetytyëjkëty.

Biblia Dc en Mixe de Quetzaltepec

¹⁷ Ënet ja yajkutujkpë t'ënëmaay ja tsiptuunpë mëti'ipë këwent'ajtëpën: Yaj'o'kta'atë tëkokyë yë teetytyëjkëty mëti'ipë yë Dios myëtuuntëpën. Jä'ä ko yë'ëjëty, David pyutëjkëtyëp, wa'ats nijawëtë ko yë'ë käk pujtp, e yë'ëjëty ka'ap xytyuk'ëwaanëtës. E ja tsiptuunpëty mëti'ipë ja yajkutujkpë kyëwent'ajtëpën ka'ap tnixajjë'ktë nëkoo ja teetytyëjkëty.

1 Samuel 22:17 ပူးပေါင်းရင်းမြစ်များ

Éxodo 1:17

E ja to'oxytyëjkëty, mëti'ipë ja'axtëpën mëti'ipë ja myëto'oxytyëjk kyëwent'ajtëpën, ojts ja Tios tsë'ëkëtë, ka'ap jëtu'un tuuntë tä ënäty ja mëj'ënä'ämpë të jyanë'ëmxëtën mëti'ipë jap Egiptë tuunpën. Yë'ë ojts tyajwë'ëmtë ja yä'äy ëna'k u'unkëty ets jyuuky'atëty.

1 Samuel 14:45

Ënät ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Tios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Tios wyintuuy ko miits myajmëmëtowtëty ets Tios ka'ap.

2 Reyes 10:25

Ko ja Jehú tmooytyääy ja Baal ja wyintsë'kën, tä t'ënëmaay ja tsyiptuunpëtëjk: Tëkëtë ënät ets yaj'o'kta'atë tyaapë ja'ayëty jënu'un yaa tyam yajpaatën. Ni pën xykyayajkä'äktëty. Ënät ja Jehú ja tyuunpë tjanty yaj'o'ktaaytyë ja ja'ay ets jap tjëpijpëtsëëmtaaytyë. Ënät ok tyëjkëtyë ma ja Baal jap y'ityën,

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

1 Reyes 1:5

E ja Adonías, tu'uk ja David ja myaank, mëti'ipë mëët t'u'unk'atyën yë Haguit, ojts tmëpëtë'ëky ja tëypyujxn ets ja ku'umën ets y'ënäny ko yë'ë kutujkpë'ataanp. Ojts tyaj'oyë pyuxn wintëkäämpë mëti'ipë myëtsiptuuntëpën ets ojts tmä'kxy yë kyëwaay ënyääpyëty ets ja'ay mëti'ipë nätyukëwent'ajtëpën, niwëxtyikxymyajk y'ijtë.

2 Samuel 15:1

Nyäjxy jëtu'un ja xëëw jëmëjt, kom ok ojts ja Absalón nyäpyutëkëty ets tpaty ja pujxnwintëkäämpë ets ja kwaay mëti'ipë ja'ay myëtsiptuuntëpën, ënät tmä'kxy ja jyä'äy mëti'ipë nätyukëwent'atanëpën.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.

1 Samuel 22:13

Tä ja Saúl tyajtëëy: ¿Wi'ix ko mijts mëët yë myaank yë Jesé xynyikäjpxytyunëtës? Tëë xymyo'oy yë tsajpkääky ets tu'uk yë yenypyujxn, ¿Këtiijë? ets tëë näjyëtu'un të Tios xymyëkäjpxy mëët yë'ëkyëjxm ¿këtii?, e tyam oytyës ënät maa xytyu'u'u'unyëty etsës xyaj'ooka'anëty tä tyam y'ëti'itsyën.

1 Samuel 20:33

Ko yë Saúl jëtu'un tmëtooy, ënätyë yë kyu'umën tkajpë'ky ets tjayaj'ookany ja myaank Jonatán. Jëtu'un'äämpy ojts ja Jonatán twinjawë ko ja tyeety jyantyyaj'ookäämpy ënäty ja David.

1 Samuel 8:11

Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.

1 Samuel 2:31

Tim miimp jajëmëjt jëna'ajës nyaj'atëkoyä'änyën mijts ja mkutujkën ets ja m'ap m'okëty ja kyutujkënëty, yë m'u'unk mto'oxytyëjk nitu'uk nëjkx kyamëja'ayëtë.

1 Samuel 22:16

Ja yajkutujkpë ni'ikyë y'ënaan'ëtë'ëtsy: Tyam yajxon ntimy'ënëëmë mijts Ahimélec ko mijts ets tëkokyë yë m'u'unk m'ëna'k kopkpëky ko m'o'kta'atëty.

1 Reyes 14:27

Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.