1 Samuel 22:16 - Biblia Mixe de Quetzaltepec

¹⁶ Ja yajkutujkpë ni'ikyë y'ënaan'ëtë'ëtsy: Tyam yajxon ntimy'ënëëmë mijts Ahimélec ko mijts ets tëkokyë yë m'u'unk m'ëna'k kopkpëky ko m'o'kta'atëty.

Biblia Dc en Mixe de Quetzaltepec

¹⁶ Ja yajkutujkpë ni'ikyë y'ënaan'ëtë'ëtsy: Tyam yajxon ntimy'ënëëmë mijts Ahimélec ko mijts ets tëkokyë yë m'u'unk m'ëna'k kopkpëky ko m'o'kta'atëty.

1 Samuel 22:16 ပူးပေါင်းရင်းမြစ်များ

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

1 Reyes 19:2

Ënät ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

Ester 3:6

e jä'ä ko tëë ënäty tnijawë ma tsyoonyën ja Mardoqueo, paaty ja winma'any tpaty ko ka'ap yi'iyëty atu'uk timyaj'ooka'any. Ënät tyëjkëy winma'any ixtääpyë wi'ix mëpaat tëkokyë ja Jutiiyë ja'ay tyajkutëkoyën mapaat ja yajkutujkpë Asuero ja naax kajpn tnitänën.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.

Daniel 2:12

Ënät ja yajkutujkpë jyoot'anpëjky ets ni'ënä'ämëy ja ijxpëkyjyä'äytyëjk ets wijyjyä'äytyëjkëty mëti'ipë jam Babilonyë yajpatëpën ets y'ooktëty.

Daniel 2:5

Ëjts jëtu'unës të ntuknipëjktaakë, jëtu'un ja yajkutujkpë y'ëtsooy: Pën miitsëty ka'ap oy xyajniwijtë ja nkuma'ayës, piw nuuk ënät mjajta'atëty ets ja mjëën mtëjkëty xit ko'ow y'awinpijta'aja'any.

Mateo 2:16

Ko ja Herodes tnija'awëy ko ja matsa'a ixtääpyë ënäty tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënäty tpamay ja xëëw po'o jëna'a ja matsa'a ixtääpyë të tnikajpxtën.

Hechos 12:19

Ja Herodes ojts tni'ënä'ämë ets t'ëxta'atëty ja Pedro e ka'ap maa tpatë, paaty ojts yë'ë ja këwent'ajtpë yajpoky'ixtë ojts yajni'ënä'ämëtyë ets y'ooktëty. Ko ja Herodes jëtu'un y'ëtitsy, ënät ojts tsyo'onë jam Judea y'itjotm ets nyëjkxnë Cesarea.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënäty pokytyuunpën, yë'ë kë'ëm kyëpätëp ja nyëë pyoky.

1 Samuel 14:44

Tä ja Saúl mëk yujk'ënany: Yë Tios yë'ëjës xytyiytyunëp pën mijts ka'ap m'ooky, Jonatán.

1 Samuel 20:31

Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

1 Samuel 22:15

¿Tëkokëmës jëtää yam yë Tios nmëkajpxa'anyë mëët yë'ëkyëjxmë? Këtii jëtu'unpë winma'any xypyääty Wintsën. Paaty këtii nëkoo xynyiwaanpety ya'atë mtuunpë mëët yë jyiiky myëku'uk, jä'ä ko ëjts ka'apës nijawë jëtu'unpë winma'any.

1 Samuel 22:17

Ënät ja yajkutujkpë t'ënëmaay ja tsiptuunpë mëti'ipë këwent'ajtëpën: Yaj'o'kta'atë tëkokyë yë teetytyëjkëty mëti'ipë yë Tios myëtuuntëpën. Jä'ä ko yë'ëjëty, David pyutëjkëtyëp, wa'ats nijawëtë ko yë'ë käk pujtp, e yë'ëjëty ka'ap xytyuk'ëwaanëtës. E ja tsiptuunpëty mëti'ipë ja yajkutujkpë kyëwent'ajtëpën ka'ap tnixajjë'ktë nëkoo ja teetytyëjkëty.