1 Samuel 20:5 - Biblia Mixe de Quetzaltepec

⁵ Tä ja David y'ëtsooy: Ëk'ix, mijts mnija'ap ko jëpom yajnixëëwtuna'any ma ja po'o pyi'k'atyën, e ëjts kopkpëkyës ko jam nyajpaatëty mëët ja yajkutujkpë. E mooykyës jëpom yë xëëw wä'änës jam yu'utsy nyajpaaty aayjyotm ujtsjotn, wëxtëjkmnëm jënäkyxyëëw näpyatëmëty.

Biblia Dc en Mixe de Quetzaltepec

⁵ Tä ja David y'ëtsooy: Ëk'ix, mijts mnija'ap ko jëpom yajnixëëwtuna'any ma ja po'o pyi'k'atyën, e ëjts kopkpëkyës ko jam nyajpaatëty mëët ja yajkutujkpë. E mooykyës jëpom yë xëëw wä'änës jam yu'utsy nyajpaaty aayjyotm ujtsjotn, wëxtëjkmnëm jënäkyxyëëw näpyatëmëty.

1 Samuel 20:5 ပူးပေါင်းရင်းမြစ်များ

Números 10:10

Myajxu'uxtëp näjyëtu'un yë pujxnxuxn ma xoontakën y'ityën, ijxtëm ko yë xëëw tyunyën ets ko yë po'o pyi'k'aty. Näyjyëtu'un ko yë wintsë'kën xyaktëty nino'okpyë ets ko yë wintsë'kën xyaktëty ma ja nay'ëëw'oy näykyajpx'oyë y'ityën. Jëtu'un'äämpy miitsëty nja'amyätstëty. Ëjts mWintsën Tiosëty.

1 Samuel 19:2

Paaty ojts pojën tuk'ëwaanë ets t'ënëmaay: Yë Saúl, yë nteetyës, jëtu'un y'ënä'äny ko myaj'ooka'anyë; paaty yam n'ënëëmë ko jopy tsojk, mëk mnäkyëwen'atëtëty ets jam muum mnäyu'utsëtëty ma mëpaat ka'ap myajpaatyën.

Números 28:11

Ma ëka'any y'anë'ëkyën oymyëti'ipë po'ojëty, mäjtsk yë tsajpkaayä'äy ayääkë xytyukwintsë'ëkëtëty yë Wintsën, tu'uk yë kupixyny yä'äy mëti'ipë të yä'kpetyën ets wëxtujk yë kupixyny yä'äy mëti'ipë tu'ukjaty yë jyëmëjtën ets oyëty mëkëty,

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Hechos 17:14

Ënät ja mëpëjkpëtëjk ënätyë kyäjxtso'onëtë ja Pablo, ets nyëjkxëty maatsow ja mejypya'ajën yë Silas ets Timoteo ojts wyë'ëmtë jam Berea.

Juan 8:59

Ënät ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Proverbios 22:3

Yë ja'ay mëti'ipë wijyën poj'am t'ixy ko muum kyutsë'ëkëty ets ënätyë tjëjpkuwa'akë; e mëti'ipë ka'ap wyijyëtyën, ni'ikyë tyu'uye'ey'ëti'ity ets ëxëëk jyäty kyëpety.

Salmos 55:12

Koos yë nmëtsip xyajjoot'anpëky këtii myëmëtaknëty, koos yë nmëtsip xynyipëtë'ëky wi'ixës n'ëknäyu'utsëtëty.

1 Samuel 20:19

E ko nëjkx tyëkëëkxëëwpety jä'ä yaj'ixëty ko ënäty ka'ap mjam'aty. E paaty yam mijts n'ënëëmë ets mnëjkxëty jatëkok ma ojts m'ëknäyu'tsëpën ets mnäpyëjkta'akëtëty winkon ma ja tsaanipiiwpety kyëxë'ëkyën.

1 Samuel 20:6

E pën myajtëëwëp yë mteety mëët ëjts, jëtu'un xy'ënëëmëty ko jamës yë näwyaanpëtsëmë të n'amëtoy ma mijtsën mëët koos jam të nnëjkxy maas yë nkajpnën jam Belén. Jä'ä ko tëkokyë yë njëëky nmëku'ukës yë'ë jam nixëëwtuuntëp ma yajyäkyën winjëmëjt yë wintsë'kën.

2 Reyes 4:23

¿Ti ko nëjkx xy'ixa'any tyam? Jëtu'un yajtëëwë ja nyiye'etyëjk. Kajts po'o tyam pyi'k'aty ets ka'ap pyo'kxënxëëwëty. Këtii nëkoo may mtajy, jëtu'un y'ëtsooy ja to'oxytyëjk.

1 Samuel 20:4

Ënät ojts ja Jonatán tyajtëy: ¿Tiijës ëjts ntunëp mëët mijtskyëjxm?

1 Samuel 20:18

Tä t'ënëmaay: Yë'ë jëpom yajnixëëtunaanp ma po'o pyi'k'atyën, e ko ënäty jëpom yaj'ixy ja m'ënyääypyäjn winwa'ats, tääts nëjkx myajja'amyetsy.

1 Samuel 20:24

Ënät ja David ojts jam nyijkxy tunkëjxm kopkkëjxm ets jam nyäyu'tsë. Ko jyä'äjty ja xëëw ma tnixëëwtuntën ja po'o u'unk ënät ja yajkutujkpë nyaaxwe'tsy ma ja kaaypyäjnën ets kyäyä'äny y'uuka'any.

1 Samuel 20:27

E komjëpom ma mëmäjtsk xëëw tnixëëwtuntën ja po'o u'unk, ja David ja y'ënyääypyäjn winwa'ats ojts jatëkok wyi'imy. Tä ja Saúl tyajtëëy ja myaank Jonatán: ¿Wi'ix ko ëxë'ëy ka'ap myiiny ja Jesé myaank kääpyë, e tyam nän ka'ap myiinkojnëpë?

Amós 8:5

miitsëty mëti'ipë ënantëpën: Tim je'eyë xëëw nyaxëty ma yajnixëëwtunyën yë po'o ko pyi'k'aty, tääts nto'kmëty yë tsajpmok. Tim je'eyë xëëw nyaxëty ma yajmëjjawën yë po'kxënxëëw tääts nto'kmëty yë aaypyajk ujtspajk mëti'ipë nmëët'ajtëmën ets ka'ap kä'pxy nkijpxmëty ets tsow nto'kmëty.